महालक्ष्मी बैंक पालुङ शाखा द्वारा ३० औं वार्षिकोत्सवको अवसरमा शुभकामना आदानप्रदान

महालक्ष्मी विकास बैंकको ३० औँ वार्षिकोत्सव सम्पन्न भएको छ । सोमबार ७ गतेदेखि बैंक ३१औँ वर्षमा प्रवेश गरेको हो । यस अवसरमा बैंकले आफ्ना  शाखाहरुमा विभिन्न सामाजिक हितका कार्यक्रमहरु आयोजना गर्नुका साथै पालुङ शाखाले पनि एक  कार्यक्रमहरुको आयोजना गरी ३० औँ वार्षिकोत्सव मनाएको छ । 
थाहा नगरपालिकाका नगर प्रमुख बिष्णु बिष्टको प्रमुख आतिथ्यतामा बैंकले शुभकामना आदानप्रदान सहित वार्षिककोत्सव मनाएको हो।
वार्षिकोत्सवको अवसरमा शुभकामना दिनुहुदै प्रमुख अतिथी बिष्टले बैंकले सामाजिक सुरक्षा भत्ता वितरणमा वडाहरुमा पुगि भत्ता वितरणमा सहजता पुर्याइरहेकोमा बैंक लाई धन्यवाद दिदै आगामी दिनमा पनि थाहा नगरपालिका संग सहकार्य जारी राख्न आग्रह गरे।
बैंकका पालुङ शाखाका शाखा प्रमुख नितेस पाण्डेले वार्षिकोत्सव कार्यक्रममा शुभकामना मन्तव्य दिने क्रममा ग्राहकवर्ग, शुभचिन्तक, नियामक निकाय एवं शेयरधनीहरुको विश्वास, स्नेह, सद्भाव र मार्गनिर्देशनको लागि हार्दिक कृतज्ञता व्यक्त गरेका थिए । ग्राहकको सन्तुष्टि र संस्थागत सुशासन आत्मसात् गर्दै भविष्यमा अझ सरल, सहज र विश्वसनीय बैकिङ्ग सेवाको पहुँच थाहा नगरपालिका भित्रका जनतामा पु¥याउने प्रतिबद्धता समेत व्यक्त गरेका थिए । 
शुभकामना आदानप्रदान कार्यक्रममा नगर उपप्रमुख भरत गोपाली,थाहा नगर उद्योग वाणिज्य संघका अध्यक्ष पुरुषोत्तम ढकाल,प्याव्सन थाहाका अध्यक्ष सुरेन्द्रमान प्रधान,पालुङ जेसीजका अध्यक्ष निरज रायमाझी लगायत विभिन्न बित्तिय संस्थाका प्रमुख तथा कर्मचारीहरुको उपस्थिति रहेको थियो।