थाहा/ पौष १५- शिखर बचत तथा ऋण सहकारी संस्थाको १५ औं वार्षिक साधारणसभा आज पालुङ जेसीज सभाहलमा सम्पन्न भएको छ। संस्थाका अध्यक्ष मनोज रायमाझीको अध्यक्षतामा र संस्थापक अध्यक्ष मधुसूदन बिष्टको प्रमुख आतिथ्यमा आयोजित कार्यक्रममा संस्थाका संचालक समितिका सदस्यहरू, उपसमिती संयोजकहरू र अन्य सम्माननीय सदस्यहरूको उपस्थिती रहेको थियो।
साधारणसभामा संस्थाका अध्यक्ष मनोज रायमाझीले वार्षिक प्रगति प्रतिवेदन प्रस्तुत गर्दै संस्थाले "समुन्नत भविष्यको साहारा", "नियमित कारोबार", "उत्तरदायी व्यवहार", र "सुसूचित शेयर सदस्य हाम्रो अभियान" भन्ने मुल नाराका साथ आफ्नो गतिविधिहरू अगाडि बढाएको उल्लेख गरे। उनले भने, "संस्थाले सदस्यहरूलाई वित्तीय साक्षरता कार्यक्रम, शिक्षा सहयोग, स्वास्थ्य सचेतना, र व्यावसायिक प्रवर्द्धन जस्ता महत्त्वपूर्ण कार्यहरूमा सामेल गराएको छ।"
प्रतिवेदनअनुसार, आर्थिक वर्ष २०८१/०८२ मा संस्थाले संस्थागत विकास र वित्तीय क्षमता दुवै पक्षमा सकारात्मक सुधार हासिल गरेको छ। सामाजिक उत्तरदायित्वको हिस्सा स्वरुप संस्थाले सदस्य सन्न्तती छात्रवृत्ति, सहकारीमा उत्कृष्ट वित्तीय कारोबार गर्ने सदस्यलाई पुरस्कृत, कर्मचारी सम्मान र वृद्ध सदस्य सम्मान जस्ता कार्यक्रमलाई निरन्तरता दिएको छ। आगामी वर्षमा, संस्थाले व्यावसायिकता र मितव्ययी व्यवहारमा जोड दिने, ऋणीको आर्थिक विश्लेषण र ऋणको जोखिम घटाउन अनुगमन गर्ने योजनाहरू रहेको अध्यक्ष रायमाझीले जानकारी दिए।
कोषाध्यक्ष निरज रायमाझीले आर्थिक प्रतिवेदन प्रस्तुत गर्दै संस्थामा हाल १४ सय ९८ शेयर सदस्य रहेको र शेयर पूंजी १ करोड ४४ लाख २३ हजार ८ सय पुगेको जानकारी दिए। संस्थाले निक्षेप संकलन ८ करोड ३१ लाख ५५ हजार ४ सय र ऋण लगानी ८ करोड ४९ लाख गरेको, जसको आम्दानी १,३०,५६,०२४ रहेको छ। संस्थाको कुल सम्पत्ति ११ करोड ७ लाख नाघेको छ।
लेखा समिती संयोजक लक्ष्मी कार्कीले पनि आफ्नो प्रतिवेदन प्रस्तुत गर्दै संस्थाको आर्थिक पारदर्शिता र सुशासनमा ध्यानाकर्षण गरिन्। यस अवसरमा संस्थाले सहकार्य गर्ने संस्था च्वाइस नेपाललाई सम्मानित गर्यो र उत्कृष्ट कारोबार गर्ने सदस्यहरूलाई विशेष सम्मान दिइयो।
यस साधारणसभामा संस्थाका आगामी योजनाहरू र कार्यक्रमहरूको प्रतिवेदन प्रस्तुत गरिएको थियो जसले संस्थाको भविष्यमा अझ समृद्धि र प्रगति गर्ने दिशामा मार्गदर्शन प्रदान गर्ने विश्वास व्यक्त गरिएको छ।
मकवानपुरको थाहा नगरपालिका–२ अंगारेका युवा समाजसेवी माधव कार्कीले थाहाका विभिन्न मठमन्दिरको संरक्षण,...
नेपाली कांग्रेस थाहा नगर समितिले दसैँ, तिहार, नेपाल संवत् ११४७ तथा छठ पर्वको अवसरमा शुभकामना आदान–प्रदान तथा...
थाहा । मकवानपुरको थाहा नगरपालिका–२, अंगारेका युवा समाजसेवी माधव कार्कीले पालुङस्थित इन्द्रायणी मन्दिरमा...
दामन। मकवानपुरको थाहा नगरपालिका–दामनस्थित पर्वतीय वनस्पति उद्यानमा वनस्पति खेतीसम्बन्धी प्राविधिक...
थाहा । महांकाल युवा क्लब थाहा–११ को आयोजनामा विजयादशमीको अवसरमा नगरस्तरीय खुला ९ ए साइड फुटबल प्रतियोगिता...
भदौ १० गते भोटेकोशीमा आएको विनाशकारी बाढीमा अभिभावक गुमाएका पालिकाभित्रका बालबालिकाको पठनपाठनको जिम्मा थाहा...
मकवानपुर । मकवानपुरको थाहा नगरपालिका–१ मा अरिङ्गाल पोल्ने क्रममा रुखबाट खसेर घाइते भएका एक युवकको उपचारका...
थाहा। पालुङ क्याम्पसको आयोजनामा स्नातक चौथो वर्ष उत्तीर्ण विद्यार्थीहरूको सम्मान, नयाँ विद्यार्थीहरूको...
थाहा–६, बज्रबाराही बुढीचौरमा रहेको उदय आधारभूत विद्यालयले स्थापनाको ५० वर्ष पूरा गरेको अवसरमा गौरवमय स्वर्ण...
