महालक्ष्मी पालुङ शाखाले दियो थाहाका अटो चालकहरुलाई बित्तिय साक्षरता र ट्राफिक सचेतता

ट्राफिक चेतनाको अभावमा सडक दुर्घटना बढिरहेको तथ्यांक आइरहेको बेला महालक्ष्मी विकास  बैङ्कले  थाहा नगरपालिका भित्र संचालनमा रहेको अटो चालक हरुलाइ  सम्भावित दुर्घटनाबाट जोगिन र अरुलाई पनि जोगाउन उपयोगी हुने ट्राफिक सचेतना कक्षा सहित बित्तिय साक्षरता तालिम दिइएको छ । सडक प्रयोगकर्ता सबैले जान्नु पर्ने ट्राफिक नियम, सडकमा अपनाउनुपर्ने सावधानी, दुर्घटना हुनसक्ने सम्भावित कारण लगायतका सडक पर्मिटको विषय सामग्री समावेश गरी नगर भित्रका अटो चालकहरुलाई   ट्राफिक सचेतना कक्षा दिइएको हो ।ईलाका  प्रहरी कार्यालय पालुङको ट्राफिक शाखामा कार्यरत ट्राफिक प्रहरी कुमार मैनाली र ईलाका प्रहरी कार्यालय पालुङका प्रहरी सहायक निरीक्षक उमेश प्रसाद कोइरीले ट्राफिक सचेतता सम्बन्धि  सहजीकरण गरेका थिय।  नेपालमा प्रतिदिन सरदर ७ जनाको मृत्यु दुर्घटनाकै कारण हुने गरेको पाइन्छ । सडकमा एक जनाले गरेको गल्तीको परिणाम कयौँले भोग्नु परेका उदाहरण पनि प्रशस्त भएको कार्यक्रमको अवसरमा जानकारी दिदै अटो चालकहरु संग अन्तरक्रिया गरियको थियो।
महालक्ष्मी विकास बैंक पालुङ शाखाका शाखा प्रमुख नितेसराज पाण्डेको अध्यक्षता तथा थाहा नगरपालिकाका उपप्रमुख भरत गोपालीको प्रमुख आतिथ्यतामा सम्पन्न कार्यक्रममा बैंकका कर्मचारी सरद हमालले कार्यक्रमको उद्देश्य माथी प्रकाश पारेका थिय ।
कार्यक्रममा प्रमुख अतिथी थाहा नगरका उपप्रमुख भरत गोपालीले प्रविधिको उच्चतम प्रयोग गर्न अझैं पनि शहर र शिक्षित क्षेत्रमा हिचकिचावट रहेको देखियको बताउदै तलब बैंक खातामा जम्मा भए पनि एकैपटक रकम निकालेर खल्तीमा राख्ने बानी कर्मचारी वृत्तमा विद्यमान रहेको र  जबसम्म कर्मचारी नै नगदरहित कारोवार गर्न प्रेरित हुँदैनन् त्यति बेला सम्म वित्तीय साक्षरताले सार्थकता नपाउने अवस्था रहेको हुदा नगद रहित कारोबार गर्न पहिला कर्मचारी बाट नै सुरु हुनुपर्ने बताउनुभयो।
तेसै गरि महालक्ष्मी विकास बैंक बागमती प्रदेश ख का प्रमुख शम्भु प्रसाद पराजुलीले नेपाल राष्ट्र बैंकले वाणिज्य बैंकहरुलाई हरेक पालिकामा पुग्नुपर्ने नीति लिएपछि बैंकिङ पहुँच सर्वसाधारणसम्म सहज भएको  बताउदै  शतप्रतिशत वित्तीय पहुँच भने पुग्न नसकेको बताउनुभयो पराजुलीले "शहर केन्द्रित वित्तीय पहुँच संघीयता कार्यान्वयनसँगै गाउँबस्तीहरुमा पुगेको छ" भन्नुहुदै सामाजिक सुरक्षा भत्तादेखि लिएर कर्मचारीको तलवभत्तासम्म बैंकिङ प्रणालीमार्फत हुनु त्यसको सकारात्मक पक्ष भएको बताउनुभयो वहाँले  वित्तीय पहुँचको विस्तार सँगै बैंक तथा वित्तीय संस्थाहरुको विस्तार भएको र जसले गर्दा अर्थतन्त्र चलायमान गराउन मद्दत गरेको मान्न सकिनेमा जोड दिदै विगतमा अनौपचारिक प्रणाली मार्फत खर्च हुने परिपाटीलाई अहिले औपचारिक प्रणालीमार्फत खर्च हुँदा आर्थिक सुशासन भएको मान्न सकिने धारणा व्यक्त गरे।
कार्यक्रममा महालक्ष्मी विकास बैंकका पालुङ शाखाका शाखा प्रवन्धक नितेशराज पाण्डेले स्थानीय निकायका जनप्रतिनिधिहरु मार्फत वित्तिय क्षेत्रका जानकारहरुको राय सल्लाह सुझावमा स्थानीय स्तरमा नै वित्तिय साक्षरतका कार्यक्रमहरु संचालन गरेमा त्यो प्रभावकारी हुने हुँदा कार्यक्रमको आयोजना गरेको बताउदै  जस्ले जनमानसमा सकारात्मक सन्देश जाने र समाजमा वित्तिय पहुँचमा उल्लेख्य बृद्घि हुने हुँदा  यदि यसो गर्न सके सामाजिक न्याय र समानुपातिक आर्थिक वितरण लाई पनि टेवा पुरयाउन सकिन्छ भनेर कार्यक्रमको आयोजना गरियको बताए।
कार्यक्रममा बजार व्यवस्थापन समिती शिखरकोटका अध्यक्ष मनोज रायमाझी ,युवा समाजसेवी यादव जंग रायमाझी ,वडा न १ का अध्यक्ष हेरमान गोपाली वडा न ३ का सदस्य कृष्ण कुमार कार्की ,४ का सदस्य शुन्दरराज केसी,थाहा नगर अटो व्यावसायि संघका सचिव किरण गोपाली,महालक्ष्मी विकास बैंक हेटौंडा शाखाका शाखा प्रबन्धक अनन्त राज धिताल,बैंकका हेटौंडा शाखाका कर्मचारी रामेश्वर अर्याल ,पालुङ शाखाका कर्मचारी हरु,नगर भित्रका बजार व्यवस्थापन समितिका पदाधिकारी हरु थाहा नगर अटो व्यावसायी संघका पदाधिकारीहरु तथा नगरभित्र संचालनमा रहेको अटो चालकहरुको उपस्थिति रहेको थियो।
वित्तीय साक्षरता कार्यक्रममा वित्तीय कारोबारबारे चेतना जगाउने, भविष्यको योजना, सुरक्षित बचत, कर्जा तथा विप्रेषणबाट प्राप्त रकमको उत्पादनमूलक लगानी जस्ता विषयमा जानकारी दिईएको थियो । यस बाहेकक कार्यक्रममा पारिवारिक बजेट तथा योजना, जोखिम न्यूनीकरणजस्ता विषयमा सहभागिलाई सिकाईएको थियो ।
कार्यक्रमलाई बैंकका कर्मचारी सुसान्त ढकालले संचालन गरेका थिय।