पालुङ बहुउद्देश्यीय सहकारीले सदस्यहरुको संरक्षित पुँजीकोष फिर्ता गर्यो।

मकवानपुरकै उत्कृष्ट सहकारीको छाप छोड्न सफल थाहा नगरपालिका थानाबजारमा मुख्य कार्यालय रहेको पालुङ बहुउद्देश्यीय सहकारी संस्थाले आफ्ना सदस्य हरुलाइ संरक्षित पुजी कोष फिर्ता गरेको छ । सहकारी ऐन र नियमावली अनुसार सहकारी संघ संस्थाहरुको खुद वचतबाट संरक्षित पूँजि फिर्ता कोषमा छुट्टिएको रकमलाई प्रभावकारी कार्यान्वयन गर्न सकेमा सहकारीमा सदस्यहको आकर्षण बढ्ने बताउदै । शेयर लाभांश बाहेक कारोबारका आधारमा अतिरिक्त रकम पाइने भएकाले सदस्यहरुले सहकारीसंग कारोबार बढाउन भन्ने उद्देश्य सहित पुजि फिर्ता गरियको सहकारीले जनाएको छ। सहकारी ऐन अनुसार संरक्षित पूँजि फिर्ता कोषको रकम सदस्यहरुले वार्षिक रुपमा कारोबार गरेको आधारमा सम्बन्धित सदस्यलाई उपलब्ध गराउनु पर्ने व्यवस्था रहेको छ। सहकारीका सहायक व्यबस्थापक रामप्रसाद ढकालले संरक्षित पूँजि फिर्ता कोषलाई थाहा नगरका सबै सहकारी संघ संस्थाहरुले अनिवार्य रुपमा कार्यान्वयन गर्नु पर्ने बताउदै , सदस्यहरुलाई सहकारी संघ संस्थामा कारोबार गर्न यो कोषको कार्यान्वयनले सहज बनाउने उहाको भनाइ थियो । सहकारी ऐन, २०७४ तथा नियमावली २०७५ ले गरेको व्यवस्था पछि सहकारीहरुको निकायहरु मध्ये संरक्षित पूँजी फिर्ता कोषबाट सदस्यहरुलाई रकम बाँडफाँट गर्ने सहकारी संभावत थाहा नगरमा पहिलो रहेको सहकारीको दावी रहेको छ। सहकारीले मुख्य कार्यालयमा आर्थिक बर्ष २०७७/०७८ को संरक्षित पुंजी कोष फिर्ता बापत सदस्यले ऋणमा तिरेको ब्याजको आधारमा २५ लाख ७६ हजार रुपैयाँ ,बचतमा गरेको योगदानको आधारमा तथा नाफाको निश्चित अंशबाट अशल कारोबारको आधारमा ७७२ सदस्यलाई प्रती सदस्य ०.८७ पैसादेखी ३१ हजार ४ सय ७७ रुपैयाँ सम्म संरक्षित पुजि कोष फिर्ता गरिएको संस्थाले जनायको छ।