थाहामा शिखर इन्स्योरेन्सको वित्तीय साक्षरता सम्पन्न ।

बिमा कम्पनीहरू र सरोकारवाला निकायहरूमार्फत आमनागरिकको वास्तविक आवश्यकताहरूलाई पहिचाहन गरी उनीहरूलाई बिमाका विभिन्न योजनाहरूलाई परिमार्जन गर्नसमेत बिमा साक्षरताले सहयोग गर्छ । बिमा एक विश्वास जितेर काम गर्ने क्षेत्र भएकाले पनि समाजका लक्षित वर्ग, बालबालिका, महिला, किसान, वृद्ध आदिसँगै आमनागरिकलाई बिमाका बारेमा बुद्धिमतापूर्ण निर्णय लिन सक्ने अवस्थामा पु-याउन बिमा साक्षरताले मात्र पूरा गर्न सक्ने भन्दै शिखर इन्स्योरेन्स पालुङ शाखाले बित्तिय साक्षरता सम्पन्न गरेको छ।
नेपाल लाइफ इन्स्योरेन्स पालुङ उप- शाखाको शाखा प्रबन्धक नरहरी पौडेलको सभापतित्व तथा थाहा नगरपालिका वडा न ४ का अध्यक्ष नारायण लामाको प्रमुख आतिथ्यतामा सम्पन्न कार्यक्रममा थाहा नगरपालिका पशु शाखाकी मनिषा कटुवालनी मगर,मंगलदिप बचत तथा ऋण सहकारीका व्यवस्थापक गणेश बिष्ट ,प्रभु बैंक पालुङ शाखाका शाखा प्रमुख आशिष गौतम,पालुङ बहुउद्देश्यीय सहकारीका व्यवस्थापक प्रकाश पौडेल,सह व्यवस्थापक रामप्रसाद ढकाल,लगायत स्थानीय कृषक तथा व्यावसायि हरुको उपस्थिति रहेको थियो।
पालुङ बहुउद्देश्यीय सहकारी संस्थाको सभाहलमा सम्पन्न कार्यक्रममा बिमा सेवाप्रदायक निकायहरूको संस्थागत प्रणालीगत सुधार, कृषि लघु उद्यम बिमा सेवामा पहुँच र घुम्ती बिमाजस्ता कार्यक्रम समेटिएका छन्, त्यसको सही ढंगबाट कार्यान्वयन गर्नको निम्ति साक्षरता कार्यक्रमको आयोजना गरेको शिखर इन्स्योरेन्स पालुङ शाखाका शाखा प्रबन्धक कर्मज्ञान अधिकारीले बताए।साथै अधिकारीले बिमा जनचेतना मात्र होइन, उसले आफ्नो जीवन र सम्पत्तिको जोखिम हस्तान्तरण गर्ने चेतनासँगै जागरुकता जगाउन बिमा साक्षरताको आबश्यकता रहेको बताए।