भ्यु टावर संरक्षण गर्न एकजुट हुँदै दामन बासी, आज सरसफाई गरिदै

 नेपालकै पहिलो भ्यु टावर,थाहा नगरको गौरव दामन स्थित भ्यु टावर संरक्षणको अभावमा जीर्ण बन्दै गएपछि अस्तित्व जोगाउन स्थानिय जुटेका छन् । 
बन्द भएको लामो समय हुँदा पनि संरक्षणमा सरोकारवाला निकायले चासो नदिदा टावर र सो क्षेत्रका संरचना  जिर्ण बन्दै गए पछि स्थानीय एभरेष्ट युवा बिकास क्लब, दामन बजार ब्यबस्थापन समिति र स्थानिय सरोकारवालाहरु  ,पर्यटन ब्यबसायी र स्थानियवासीको सक्रियतामा  भ्यु टावरको अस्तित्व जोगाउन सक्रिय भएका हुन् । 
लामो समय देखि बन्द भई ताला लगाएर राखिाएको टावर क्षेत्रमा संरचना जिर्ण बन्दैगए पछि सरोकारवाला निकायले संचालन र संरक्षणमा चासो नदिएको अवस्थामा स्थानियको सक्रियतामा तत्कालका लागि सो क्षेत्रको सरफाई गर्ने र संमबद्र्धनमा आवश्यक पहल कदमी गर्ने निर्णय भएको दामन बजार ब्यबस्थापन समितिका पुर्ब अध्यक्ष तसि शेर्पाले बताउनु भयो । 
लामो समय देखि बन्द हुँदा संचालनको पहलकदमी नहुनु चिन्ताको विषय भन्दै स्थानीबासी स्व–स्फुर्त रुपमा एकजुट  भै दामन भ्यु टावरको अस्तित्व जोगाउनुपर्ने अवस्था  आएको स्थानिय दानु गोपालीले बताउनु भयो । 

भ्यू टावर संरक्षण अभियान अन्तर्गत दामनका प्रत्येक घरबाट एक जना उपस्थित भै बसेको भेलाको निष्कर्षले मंगलबार दिउँसोको ०१ः०० बजे भ्यु टावर परिसर सरसफाइ गर्ने निर्ण भएको छ । 
सरसफाइ कार्यक्रममा दामन शितोष्ण बागवानी फार्मले पनि सहयोग गर्ने फर्मका निमित्त प्रमुख समीर मगरले  बताउनु भयो । 
भ्यू टावर संरक्षण अभियानको भेलामा माओवादी   जिल्ला कमिटी मकवानपुरका  सदस्य बिनोद कुमार लामा,दामन बजार ब्यबस्थापन समितिका पुर्ब अध्यक्ष तसि शेर्पा,समाजसेवी दानु गोपाली, सबै पर्यटन ब्यबसायीहरु र आम नागरिकहरुको सकारात्मक उपस्थिति रहेको थियोे ।