बिपन्न एकल महिलाहरुलाई व्यावसायिक बाख्रा तालिम सहित बीउ बाख्रा वितरण ।

थाहा नगरपालिका महिला बालबालिका ,जेष्ठ नागरिक तथा अपांग परिचयपत्र वितरण शाखाको आयोजनामा नगर स्तरीय बिपन्न एकल महिलाहरुलाई चार दिने व्यावसायिक बाख्रा पालन तालिम सम्पन्न भएको छ।
थाहाको विकास घरमा ६ असार देखि ९ गतेसम्म भएको तालिममको आज एक समारोह बिच समापन गरिएको छ।
सामाजिक बिकास समिती सदस्य जनक बिकको अध्यक्षता तथा वडा न ४ का अध्यक्ष नारायण लामाको प्रमुख आतिथ्यतामा सम्पन्न समापन समारोहमा तालिममा सहभागी महिलाहरुलाई बीउ बाख्रा समेत वितरण गरियको थियो।
समापन समारोहमा आफ्नो मन्तव्य राख्दै वडा नंं ४ का वडा अध्यक्ष नारायण लामाले एकल महिलाको जिविकोपार्जन र आयआर्जनमा टेवा पुगोस भन्ने उद्धेश्यले थाहा नगरका २४ जना  एकल महिलालाई एकएक ओटा बाख्रा बितरण गरिएको बताए । थाहा नगरपालिका महिला तथा बालबालिका शाखा प्रमुख प्रतिमा मोक्तानले अति बिपन्न एकल महिलाको आयआर्जन मा सघाउ पुगोस, र उनिहरु क्रमिक रुपमा जिविकोपार्जनकालागि बाख्रा पालनमा संलग्न होउन भनेर बाख्रा बितरण गरेको बताउदै  उहाँहरुले राम्रारी पालेर बाख्रा बढाउनुु हुनेछ भन्ने आशा व्यक्त गरे। 
कार्यक्रममा पशु शाखा प्रमुख राघवेन्द्र मिश्र,रुप्से किटेनी टोल विकास संस्थाका अध्यक्ष गणेश लामा,देउखेल सहरी स्वास्थ्य केन्द्रका नेमराज थिङ,पशु प्राविधिक रुपेश कुमार मिश्र लगायतका उपस्थिती रहेको थियो।
 थाहा नगरपालिकाको वार्षिक स्वीकृत कार्यक्रम अनुरुप भएको कार्यक्रममा चार दिन सम्म व्यावसायिक बाख्रा पालन सम्बन्धि तालिम समेत दिइएको थियो।