जनकल्याण माध्यमिक विद्यालयमा मा.वि. अंग्रेजी शिक्षकका लागि दरखास्त आह्वान

थाहा, मकवानपुर । थाहा नगरपालिका–३ स्थित श्री जनकल्याण माध्यमिक विद्यालयले माध्यमिक तह (मा.वि.) मा अंग्रेजी विषय अध्यापनका लागि एक जना करार शिक्षक नियुक्त गर्न दरखास्त आह्वान गरेको छ।
विद्यालयले शिक्षा, युवा तथा खेलकुद शाखा, थाहा नगरपालिकाबाट प्राप्त स्वीकृतिअनुसार मा.वि. तृतीय तह, अस्थायी (करार) पदमा योग्य नेपाली नागरिकबाट आवेदन मागेको हो।
सूचनाअनुसार आवेदकले अंग्रेजी विषयमा स्नातक तह उत्तीर्ण गरेको हुनुपर्नेछ भने नेपाल सरकारको प्रचलित नियमानुसार सेवा–सुविधा उपलब्ध गराइने विद्यालयले जनाएको छ।
इच्छुक उम्मेदवारले २०८३ साउन १५ गते कार्यालय समयभित्र दरखास्त बुझाइसक्नुपर्नेछ। आवेदन दस्तुर रु. १,२०० तोकिएको छ। उम्मेदवारको उमेर १८ वर्ष पूरा भई ४० वर्ष ननाघेको हुनुपर्नेछ।
आवेदनसँग शैक्षिक योग्यताको प्रमाणपत्र, नेपाली नागरिकताको प्रमाणपत्र, अध्यापन अनुमति पत्रको प्रतिलिपि, हालसालै खिचिएको पासपोर्ट साइजको फोटो तथा अनुभव भए सोसम्बन्धी प्रमाणपत्र संलग्न गर्नुपर्ने सूचनामा उल्लेख छ।
दरखास्त दस्तुर विद्यालयको बैंक खातामा जम्मा गरी भौचरको प्रतिलिपिसहित आवेदन पेश गर्न सकिनेछ। थप जानकारीका लागि विद्यालयको इमेल janakalyan2025@gmail.com वा सम्पर्क नम्बर ९८५५०१३६९५ र ९८४५०७०६७९ मा सम्पर्क गर्न विद्यालयले अनुरोध गरेको छ।

हेर्नुस सूचना :-