थाहाको ३ नम्बर वडामा ३० दिने बाताबरण मैत्री झोला बनाउने तालिम सुरु

उद्योग तथा बाणिज्य कार्यालय हेटौंडाको आयोजना तथा थाहा नगरपालिका वडा न ३ र थाहा नगर उद्योग वाणिज्य संघको व्यवस्थापनमा ३० दिने वातावरण मैत्री झोला निर्माण तालिम थाहाको थानाबजारमा सुरु गरीएको छ।
महिला हरुलाई आत्म निर्भर सहित पलाष्टिकको झोला लाई नियन्त्रण गर्ने उद्देश्य सहित सुरु भएको तालिमलाई उद्घाटन गर्दै वडा न ३ का अध्यक्ष तथा थाहा नगरपालिका आर्थिक बिकास समिती संयोजक हिरेन्द्र कुमार रायमाझीले सिकेको सीप व्यवहार मा लागु गर्न आग्रह गर्दै पूर्ण सरसफाई यूक्त नगर निर्माण मा बातावरण मैत्री झोला निर्माणले‌ टेवा पुग्ने वताए ।
मानव स्वास्थ्य संग प्रतक्ष्य सरोकार राख्ने बातावरण स्वच्छ राख्न प्रत्येक नागरिकको दायित्व रहेको उल्यख गर्दै पलाष्टिक जन्य पदार्थको अन्त्य का लागि यो कार्यक्रम प्रभावकारी हुने र स्वरोजगारमा पनि टेवा पुग्ने बताए।
कार्यक्रममा थाहा नगर उद्योग बाणिज्य संघका अध्यक्ष पुरुषोत्तम ढकालले बिगतमा पनि थाहा नगर उद्योग बाणिज्य संघले सामाजिक उत्तरदायित्वको काम गर्दै आएको बताउँदै महिला हरुलाई आत्म निर्भर बनाउन बातावरण मैत्री झोला निर्माण कार्यक्रमको आयोजना गरिएको बताए।
उद्योग तथा बाणिज्य कार्यालय हेटौंडाका प्रमुख राम प्रसाद भुसालको अध्यक्षतामा सम्पन्न तालिम उद्घाटन समारोहलाइ प्रशिक्षक आरती श्रेष्ठले स्वागत गरेकी थिइन।
जेठ १९ गते सम्म चल्ने तालिममा १७ जना महिलाहरुको सहभागिता रहेको छ।