पालुङगढी संरक्षण र प्रवर्द्धनको लागि वडा सरकार र स्थानीयको संयुक्त प्रयास

मकवानपुर जिल्लाकै ३ गढी मध्य थाहा नगरपालिका वडा न २ मा रहेको ऐतिहासिक पालुङ गढी लाई पर्यटकिय गन्तव्य बनाउनको लागि अहिले वडा सरकार र स्थानीय हरुको संयुक्त पहलमा गढी सम्म जाने पैदल मार्ग तथा पिकनिक स्थलको काम धमाधम भैरहेको छ। वडा न २ ले पालुङ गढी संरक्षण र प्रवर्द्धनको लागि १५ लाख रुपैयाँ बजेट बिनियोजन गरे संगै स्थानीयले समिती गठन गरेर काम थालेका हुन। पालुङ गढी पिकनिक स्पोर्ट निर्माण समिती गठन गरेर वडा बाट बिनियोजन भएको १५ लाख र स्थानीय श्रमदान २ लाख ५० हजार गरि १७ लाख ५० हजारको स्टमेट गरि १०० मिटर सिढी निर्माण कार्य थालनी गरेको समितिका अध्यक्ष अजय कार्कीले जानकारी दिए। थाहा २ गैरिगाउको ६० घरधुरीले प्रत्यक घरले ४ दिन श्रमदान गर्ने गरि काम गरिरहेको बताउदै १ सय मिटर कालो ढुङ्गाको सिडि,दायाँबायाँ फलामे बार र प्रत्यक बारको दुईभागमा १०० वटा फाइवरको फेम भएको बत्ती राखिने योजना रहेको अध्यक्ष कार्किले जानकारी दिए। अध्यक्ष कार्किका अनुसार बजेट जति सबै सिढिमा खर्छ हुने भएकोले पिकनिक स्थलमा खाना बनाउने ट्रस आदि भौतिक संरचना निर्माणको लागि सहयोगी दाताहरु लाई आग्रह गरिएको जानकारी दिदै अहिले सम्म हाल अस्ट्रेलियामा रहेका सुरेश थापा द्वारा ३५ हजार रुपैयाँ i love palung gadhi लेख्नको लागी, २० फिटको अग्लो फलामको पाता रहेको नेपालको झण्डाको लागि नेपाली सेनामा सेकेन्ड लेफ्टिलेन्ट रहेका प्रवेश बिष्ट द्वारा १५ हजार,फलामे कुर्चिको लागि गोविन्द कार्की द्वारा १० हजार,गढी जाने बाटोमा पुग्नको लागि बाटो निर्माणको लागि जग्गा पर्ने उद्दव रानामगर र रामशरण राना मगर द्वारा जग्गा उपलब्ध गराइ सहयोग भैसकेको बताए। अहिले भैरहेको कार्यको लागि सहयोग गर्न चाहने नगद वा जिन्सी जुन सुकै सामान वा नगद ६ हजार भन्दा माथी सहयोग गर्नेको नाम शिलालेखमा राखिने बताउदै चैत १० गते सम्म सहयोगिहरुले समितिमा सम्पर्क गर्न सकिने निर्माण समितिले जनाएको छ। पालुङ गढी संरक्षण समिती समेत गठन गरेर कार्य गरिरहेको यस ऐतिहासिक पालुङ गढी लाई पालुङ जेसिजले चिनाउन पहल गरेको थियो। पुरात्वात्तिक बिभागले समेत प्रमाणित गरिसकेको पालुङ गढिको विकासको लागि हाल तिव्र गतिमा काम भैरहेको समितिका अध्यक्ष कार्किले बताए।सहयोगको लागि ९८६१०१०८५१ ९८१२२४४६५८ मा सम्पर्क गर्न सकिने छ