न्यायिक समितीले तय गर्यो महोत्सवको मिति

-शम्भु अधिकारी

अन्यौलमा रहेको तेस्रो थाहा महोत्सवको मिति आज टुंगिएको छ । आज थाहा नगर नगरकार्यपालिकाको कार्यालयमा भएको त्रीपक्ष छलफल पछि महोत्सव कात्तिक १० देखि १७ गते सम्म गर्ने सहमति भएको छ।

थाहा नगर उद्योग बाणिज्य संघले आयोजना गर्ने महोत्सवको मितिमा असहमति राख्दै आएको थाहा नगर कपडा तथा फेन्सी ब्याबसायि संघ बिचको समन्वय गर्न गठित समितीका सम्योजक तथा न्यायीक समितीका सम्योजक खड्क गोपालीको सम्योजकमा गठित समितीले सरोकारवाला सङ बृहत छलफल गरेर मिति टुङ्गाएको हो। यो भन्दा अगाडिको छलफलमा आ आफ्ना अडानमा रहेका पक्ष बिच सहमती भएपछि महोत्सव हुने दिनको टुंगो लागेको छ ।

 ब्याबसायीको तर्फ बाट बोल्दै कपडा तथा फेन्सी ब्याबसायी संघ नगर अध्यक्ष कल्पना बलामीले बाणिज्य संघ को यो भन्दा अगाडिको दुई वटा महोत्सवले थाहाका कपडा ब्याबसायीहरुको व्यापार चौपट्टै पारेको दुखेसो पोख्दै ब्यापारीहरुको छाता संघसंगठन उद्योग बाणिज्य संघले थाहाका ब्याबसायीहरुको हित नचाहेको हो कि भन्दै स्टलमा स्थानीय व्यापारीलाई प्राथमिकता दिनुपर्ने र महोत्सव ७ दिन मा झार्नु पर्ने अडान राख्नु भएको थियो । छलफलमा उ बा संघका अध्यक्ष कबिराज खत्रीले महोत्सव कपडा र फेन्सीको मात्र ब्यापार नभै सबै ब्याबसायीको मेला भएकोले मेलाको लागि ७ दिन अपुग हुने भन्दै घोषणा भैसकेकोले बाध्य भएर सम्झौता गरेको बताए । तेस्तै इन्द्रायणी कालाभैरब गूठीका राजु नापितले गुठी सङ भएको सम्झौता अक्षरस पालना गर्न उद्योग बाणिज्य संघ लाई आग्रह गर्नु भयो।

   छलफलमा बोल्दै नगर प्रमुख लबशेर बिस्टले उद्योग बाणिज्य संघको मेलाहरुमा बिकृती श्रीजना हुन थालेकोमा चिन्ता व्यक्त गर्दै बृहत छलफल गरेर मात्र महोत्सव आयोजना गर्न दिनुपर्ने बताउदै मेलामा जुवा सङ संबंधित खेल खेलाएमा कारबाही गरिने बताउनु भयो ।

महोत्सव कात्तिक १० गते उद्घाटन भै कात्तिक १७ गते सम्म सम्पन्न भै १८ गते बिहान ८ बजे समापन हुने छ ।