दामनमा ओशो ध्यान शिबिर हुँदै

थाहाको दामनमा ५ दिने ओशो ध्यान शिविर संचालन हुने भएको छ ।  चैत्र  ९ देखि १३ गते सम्म दामन स्थित ओशो शिबिरमा ५ दिने शिबिर संचालन हुन लागेको हो । 

शिबिरमा नेपाल तथा भारतका ५० जना भन्दा बढी ओशो अनुयायीहरु सहभागी हुने र दामनमा संचालन हुने ओशो शिबिरले थाहाकाे  पर्यटन प्रवर्द्धन र प्रचार प्रसारमा ठूलो सहयोग भएको थाहा होटेल संघका संस्थापक अध्यक्ष शिव कुमार खत्रीले बताए ।  ओशोको बिचारलाई बुझ्ने ईच्छा भएकाहरुले पनि कार्यक्रममा सहभागिता जनाउन सक्ने दामन ओशो संयोजक शिव कुमार खत्री बताउँछन् ।

दामनको प्राकृतिक सुन्दरता र शितलता योग अनि ध्यान गर्नको निम्ति सबैभन्दा उपयुक्त भएकोले दामनमा नै सबैभन्दा धेरै शिबिरहरु आयोजना गर्ने गरिएको शिविर आयोजकको भनाई

थाहा नगरपालिका वडा नं.४ दामनमा बि.सं. २०६५ मा ओशो ध्यान शिबिरको स्थापना भएदेखी नै निरन्तर ओशो शिबिरहरु संचालन हुँदै आईरहेका छन् ।  बिहार,भारत घर भएका नेपालका लागि प्रमुख ब्यवस्थापक  लल्लन कुमारका अनुसार २०७६ साल सम्ममा दामनमा मात्र ४२ वटा शिबिरहरु संचालन भएका छन् । नेपालमा  भएका अन्य ओशो  शिबिरहरुको तुलनामा दामनमा सबैभन्दा धेरै शिबिरहरु संचालन हुने गरेको स्वामी लल्लन कुमार बताउँछन् ।
दामनको प्राकृतिक सुन्दरता र शितलता योग अनि ध्यान गर्नको निम्ति सबैभन्दा उपयुक्त भएकोले दामनमा नै सबैभन्दा धेरै शिबिरहरु आयोजना गर्ने गरिएको शिविर आयोजकको भनाई छ ।