थाहानगरकोे ठुलोफाकल ठाडखोला क्षेत्रलाई पर्यटकिय गन्तब्य बनाउदै थाहा नगर

 थाहा नगरपालिकाका प्रमुख विष्णु विष्ट आदर्शले थाहा –५ मा रहेको प्राकृतिक सुन्दरता चिनाउदै पर्यटन प्रबद्र्धन गर्न ठुलोपाकल– बाँझघारी – ठाडखोला झरना सम्मको मोटरबाटो तथा पैदलमार्गलाई प्राथमिकतामा राखि निर्माण गर्ने बताउनु भएको छ । नगर प्रमुख विष्टले थाहा नगरको दामन सिमभन्ज्याङ्गको शितलता र प्राकृतिक सुन्दरता हेर्न आउने आन्तरिक र बाह्य पर्यटकलाई नगरको ठुलोफाकल क्षेत्र हुँदै ठाडखोल झरना सम्म जोड्न ठुलोफाकल– बाँझघारी–ठाडखोला मोटरबाटो र ठाडखोला झरना देखि बाँझघारी सम्म ट्रेकिङ्ग बाटो निर्माणका लागि नगरपालिका जुट्ने बताउनु एको हो । उक्त मोटरबाटो निर्माण पछि ईन्द्रसोवरबाट दामन सिमभन्ज्याङ्गको शितलता र सुन्दरतामा रमाउन आधा घण्टामै पुग्न सकिन्छ भने प्राकृतिक सुन्दरतामा रमाउदै पैदलमार्गको मनोरम यात्रा पनि गर्न सकिने भएकाले नगर भित्र पर्यटन प्रबद्र्धनका लागि स्थानिय सँग छलफल गर्दै प्रमुख विष्टले स्थलगत अनुगमन गरि ठाडखोला क्षेत्रमा प्राकृतिक स्वीमिङ्ग स्थल तथा सेल्फी पुल बनाउन सम्भाव्यता अध्ययन भईरहेको र छिट्टै सो कार्यलाई पुर्णता दिने पनि बताउनु भयो । छलफलमा थाहा नगर होटल एसोसियसनका अध्यक्ष शिबकुमार खत्रीले उल्लेखित योजनाले सो क्षेत्रको कृषी उत्पादनलाई र प्राकृतिक सुन्दरतालाई पर्यटन सँग जोड्ने र ईन्द्रसरोवर तथा दामन सिमभन्ज्याङ्ग आएका पर्यटककालागि गन्तब्य थपिने भएकाले यो योजना सार्थक बनाएर पर्टटकिय गन्तब्य चिनाउनु पर्ने बताउनु भयो । पालुङ बहुउदेश्यि सहकारी संस्थाका उपाध्यक्ष अरुण रायमाझीले थाहा –५ को सानोपाकल, ठुलो फाकल क्षेत्र प्राकृतिक मनोरमका साथै कृषीको उर्भर भुमी भएको र होम स्टे संचालन तथा प्रबद्र्धन गरि पर्यटक भित्र्याउन सकिने भएकाले उक्त क्षेत्रमा मोटरबाटोको पहुँच पु¥याउदै ट्रेकिङ्ग रुट समेत बनाउन सकिने बताउनु भयो ।