थाहाको सीमभन्ज्याङ्गमा पर्वतीय तालको डिपिआर तयार – संरक्षणमा स्थानिय जुटे
ताल निर्माण पछि महत्त्वपूर्ण पर्यटनको गन्तब्य हुने – मेयर बिष्ट 

थाहा नगरपालिका स्थित सिमभन्ज्याङ्गमा निर्माणाधिन पर्वतिय कृतिम तालको निर्माणका लागि बागमती प्रदेश सिचाई कार्यालयले डिजाइन स्टमेट तयार गरेको छ ।
कार्यालयले डिजाइन स्टमेट तयार गरेपछि ताल बन्ने पक्का भएको र यसले थाहा नगरको पर्यटकीय विकासको लागि महत्त्वपूर्ण गन्तब्य हुने थाहा नगरपालिकाका प्रमुख लबशेर बिष्टले बताउनु भयो ।

करुणा भुमि सामुदायिक वन उपभोक्ता समितिको पहलमा मकवानपुरको सबैभन्दा अग्लो स्थानमा बिगत ७ बर्षदेखि नै ताल निर्माणको प्रकृयाको थालनी भएतापनि अहिले काम अगाडि बढेको हो । 

कार्यालयले डिजाइन स्टमेट तयार गरेपछि ताल बन्ने पक्का भएको र यसले थाहा नगरको पर्यटकीय विकासको लागि महत्त्वपूर्ण गन्तब्य थाहा नगरपालिकाका प्रमुख लबशेर बिष्टले बताउनु भयो ।

थाहानगरपालिकाको महत्त्वपूर्ण पर्यटकीय गन्तब्य दामन सिमभन्ज्याङमा यो तालको निर्माण भएपछि पर्यटकको आकर्षणको केन्द्र बन्ने र हिउदको समयमा ताल तलतिरको क्षेत्रमा पानीको अभाबलाई कम गर्न तालको महत्त्व बढी हुने करुणा भुमि सामुदायिक वनका अध्यक्ष बिनोदकुमार लामाले बताउनुभयो । अध्यक्ष लामाले सामुदायिक वनको अवधारणा अनुरुप उक्त क्षेत्रमा पर्यटन पार्क मोहिनी कुन्ज निर्माण गर्न लागिएको र उक्त पार्कको एउटा पाटो यो ताल भएको बताउनुभयो ।

उक्त क्षेत्रमा पर्यटन पार्क मोहिनी कुन्ज निर्माण गर्न लागिएको पर्यटकको आकर्षणको केन्द्र बन्ने र हिउदको समयमा ताल तलतिरको क्षेत्रमा पानीको अभाबलाई कम गर्न तालको महत्त्व बढी हुने करुणा भुमि सामुदायिक वनका अध्यक्ष बिनोदकुमार लामाले बताउनुभयो ।

उक्त तालमा लोपोन्मुख असला जातको माछा समेत पालन गरि तालमा बोटिङ र फिसिङ गर्ने ब्यवस्था मिलाई स्थानीय तथा बाह्य पर्यटकलाई आकर्षित गर्ने योजना रहेको सामुदायिक वनका  उपाध्यक्ष ओमकर बिष्टले बताउनुभयो ।
नगरपालिकाको पर्यटन क्षेत्रको बिकासमा महत्त्वपूर्ण रहेको नेपालकै उच्च स्थानमा निर्मित कृतिम ताल निर्माण सम्पन्न गर्नको लागि आफुले पहल गरिरहेको र सोको लागि नगरपालिकाको तर्फबाट पुर्ण सहयोग गर्ने थाहा नगरपालिकाका प्रमुख लबशेर बिस्टले बताउनुभयो ।

यसैबिच करुणाभुमि सामुदायिक वन उपभोक्ता समुहको पहलमा निर्मानाधिन उक्त पर्वतीय ताल क्षेत्रमा सोमबार सरसफाई गरेका छन ।  सिमभन्ज्याङ्गका युवाहरुले तालमा  बर्षाका कारण पानीको बहावले खोलिएको बाँध मर्मत गरेका हुन । साथै ताल आसपास भएका फोहोरपनि सफा गरिएको बजार ब्यवस्थापन समिति सिमभन्ज्याङका सचिब अमित पाख्रीनले बताउनुभयो ।