चितवनको खैरहनीमा थाहा फोटो प्रदर्शनी हुने 

     चितवनको खैरहनीमा थाहाका फोटो प्रदर्शनीमा राखिने भएको छ ।  नेपाल उधोग बाणिज्य महासंघ बागमती प्रदेश तथा खैरहनी उधोग बाणिज्य संघको आयोजनामा चितवनको लदरी खोला किनारमा २०७९ माघ ४ देखि १५ सम्म चल्ने बागमती प्रादेशिक एवं दोश्रो खैरहनी महोत्सवमा थाहाको फोटो प्रदर्शनीकालागि राखिने भएको हो ।  
थाहाका फोटो पत्रकार गणेश बिष्टले खिचेका थाहा नगरपालीका भित्रका ऐतिहासिक, प्राकृतिक, सांस्कृतिक तथा पर्यटकीय क्षेत्रहरू समेटिएका ६० वटा फोटो उक्त महोत्सवमा प्रदर्शनीका लागि राखिने छन् । 
आन्तरिक पर्यटकलाई आकर्षित गर्न तथा थाहाको समष्टिगत परिचय दिने उद्देश्यले यो महोत्सवमा फोटो प्रदर्शनी गर्न लागिएको थाहा नगरका मेयर बिष्णु बहादुर बिष्टले बताउनु भयो । यस अघि काठमाडौमा थाहा नगर।पालिकोको आयोजनामा तथा फरक सोचको समन्वयमा कार्तिक १९,२० र २१ गते गरिएको प्रदर्शनीमा करिब १३ हजारले अवलोकन गरेको र त्यस प्रदर्शनीले थुप्रै आन्तरिक पर्यटकलाई थाहा सम्म आउने वातावरण बनाएकोले चितवनमा पनि फोटो प्रदर्शनी गर्न लागिएको पनि नगर प्रमुख विष्टले बताउनु भयो । 
यस पटकको प्रदर्शनीे थाहा नगरपालिकाको आयोजना तथा फरक सोचको समन्वय रहने छ भने कार्यक्रमको ब्यवस्थापन थाहा नगर उधोग बाणिज्य संघको गर्नेछ । १० दिनसम्म चल्ने महोत्सवमा करिब १५ हजारले अवलोकन गर्ने पुर्वानुमान रहेको कार्यक्रमका संयोजक तथा थाहा नगर उधोग बाणिज्य संघका अध्यक्ष कबिराज खत्रीले जानकारी दिनुभयो ।

                फरक सोच अभियानले आफ्नो ब्यवस्थापनमा काठमाडौको हनुमानढोका दरबार स्क्वायर परिसरमा भएको फोटो प्रदर्शनीमा फोटो बिक्री गरेर प्राप्त भएको ८० हजार ६ सय  रुपैयाँ राजस्व सहित प्रदर्शनीका निम्ति तयार पारियका ६३ थान माउन्ट गरिएको ४०,८२४्र( रुपैयाँ बराबरको फोटो समेत नगरलाई बुझाएको थियो । चितवनमा हुने महोत्सवमा अहिले तिनै ६३ थान मध्यका ६० थान फोटोहरु प्रदर्शनीका लागि राखिने फरक सोचका संयोजक यादवजंग रायमाझीले बताउनु भयो ।