ऋषेश्वर क्षेत्रमा प्राचीन हवनकुण्ड पत्ता लाग्यो।

थाहा नगरपालिका वडा नं.४ दामन-सिमभन्ज्याङमा अवस्थित प्रख्यात धार्मिक पर्यटकिय गन्तव्य  ऋषेश्वर महादेव मन्दिर तथा छ्युमी झ्याङ्झ्युप गुम्बा क्षेत्र जहाँ बौद्ध धर्म गुरु रिन्पोछे(पद्मसम्भव) ले परापुर्ब समयमा  तपस्या गरि बिबिध सिद्धी प्राप्त गरेका थिए। सो  स्थानमा आज माओवादी केन्द्र,थाहा नगर कमिटीको अध्यक्ष बिनोद लामा,वडा नं.४ को अध्यक्ष नारायण लामा लगायत स्थानीय पर्यटन व्यवसायीहरुद्वारा यस पुण्य क्षेत्रको सम्भावित धार्मिक पर्यटन बिकास र प्रबर्द्धनको निम्ति अवलोकन गरेका छन। टोलिले गुरु पद्मसम्भवले प्रयोग गरेको ओदान आकारको ढुङ्गा (हवन कुण्ड) , तारेभिर लगायत आसपासका क्षेत्र  अवलोकन गरेको छ। यस क्षेत्रको बिकासको लागि आवश्यक भौतिक संरचनाहरु निर्माण गर्न सकिने वा के गरेर यश क्षेत्रको बिकास गर्न सकिन्छ भनी अवलोकन गरियको वडा न ४ का अध्यक्ष नारायण लामाले बताए। यहि स्थान भएर समुद्री सतहदेखी २,५०० मिटर उचाइमा रहेको पर्यटन बिकासको लागि ठूलो सम्भावना बोकेको तारेभिरको अवलोकन गर्दै सिमभन्ज्याङ फनपार्क सम्मको पैदल यात्रा अनुगमन टोलीले गरेका थिए। सिमभन्ज्याङ फनपार्क देखि तारेभिर, ऋषेश्वर महादेव मन्दिर र गुम्बा जोड्ने प्राचीन पैदलमार्गको स्तर उन्नति गरि धार्मिक पर्यटकहरुलाई सेवा-सुबिधा  दिने गरि त्यस पुण्य क्षेत्रको बिकास गर्न सकिने  माओवादी केन्द्रका नगर अध्यक्ष बिनोद लामाले बताउनुभयो।