ऋषेश्वर क्षेत्रमा गुम्बा पुननिर्माण हुँदै, जग खन्दा प्राचिन मुर्ति भेटियो 

२०७२ सालको भुकम्पले क्षतिग्रस्त भएको ऋषेश्वर स्थित छ्युमिझ्याङ्ग गुम्बा पुननिर्माण शुरु गरिएको छ गुम्बाको २०७८  माघ २ मा बरिष्ठ  लामा गुरुद्वारा  पुजापाठ गरि  गुम्बा पुनर्निर्माणको कार्य शुभारम्भ गरिएको हो ।  दातृ संस्था एबम् विभिन्न  ब्यक्तिहरुबाट पाएको सहयोग रकमबाट गुम्बाको निर्माण हुन लागेको हो । 

तिब्बती शैलीमा बन्ने गुम्बाको कलाकृतिको रचनाकार भने संबंधित कार्यमा निपुण तिब्बती ब्यक्ती नै हुने गुम्बाका प्रमुख लामा जिङ्छेनले भने । भौगोलिक र प्राकृतिक  कठिनाइका कारण गुम्बा निर्माण प्रक्रियामा सोचेभन्दा बढी समय लागेता पनि दुई वर्ष सम्ममा गुम्बा निर्माण हुने लामाले भने । 
गुम्बा निर्माण सम्पन्न भए पश्चात् दामन क्षेत्रको धार्मिक पर्यटन बिकासमा धेरै टेवा पुग्ने थाहा होटेल संघका संस्थापक अध्यक्ष शिवकुमार खत्रीले बताए । 
गुम्बाको पुरानो जग खन्ने काम शुरु भएको छ । जग खन्दा प्राचीन मुर्ती भेटिएको छ । बौद्ध धर्म अनुसार उक्त प्राचीन मुर्ती देवीहरुको देवी हरियो ताराको भएको प्रमुख लामाके बताए । 

       थाहा नगरपालिका ४ स्थित दामन सिमभन्ज्याङको सिमानामा रहेको हिन्दु तथा बौद्ध मार्गीहरुको पबित्र तिर्थ स्थल ऋशेश्वर महादेव मन्दिर तथा छ्युमिझ्याङ्ग गुम्बा रास्ट्रीय तथा अन्तर्राष्ट्रिय स्तरमा नै प्रख्यात  धार्मिक क्षेत्र हो ।  मुख्य प्रवेश द्वार देखि १ कि.मि.दुरिमा रहेको यस धार्मिक स्थल उकालो– ओरालो गर्दै  हुस्सु अनि कुहिरो सित लुकामारी खेल्दै प्रकृतिको सुन्दरतामा रम्दै  करिब आधा घन्टाको हिडाई पछि पुग्न सकिन्छ