अभिनेत्री दिव्या रायमाझी बनिन् प्रोफाइल इन्टरनेशनल एजुकेसन कन्सल्टेन्सीको ब्रान्ड एम्बासडर

काठमाडौं । लोकप्रिय तथा चर्चित अभिनेत्री दिव्या रायमाझी प्रोफाइल इन्टरनेशनल एजुकेसन कन्सल्टेन्सीको ब्रान्ड एम्बासडर नियुक्त भएकी छन् । कन्सल्टेन्सीले आइतबार काठमाडौंमा एक कार्यक्रम गरी अभिनेत्री रायमाझीलाई ब्रान्ड एम्बासडर नियुक्त गरेको जानकारी गराएको हो । कार्यक्रममा कन्सल्टेन्सी र अभिनेत्री राममाझीबीच ब्रान्ड एम्बासडर नियुक्त गरिएको हस्ताक्षरसहितको सम्झौतापत्र एकआपसमा साटासाट गरिएको थियो । कन्सल्टेन्सीका प्रमुख नवराज प्रसाईंले अभिनेत्री रायमाझीलाई प्रोफाइल इन्टरनेशनल एजुकेसन कन्सल्टेन्सीको ब्रान्ड एम्बासडरको रूपमा नियुक्त गर्न पाउँदा खुसी लागेको बताए । ब्रान्ड एम्बासडर बनेपछि कार्यक्रममा आफ्नो धारणा राख्दै अभिनेत्री दिव्या रायमाझीले आगामी दिनमा प्रोफाइल इन्टरनेशनल एजुकेसन कन्सल्टेन्सीलाई थप उचाईमा पुर्याउन सक्दो भूमिका खेल्नी बताईन । बिगत ७ वर्षदेखि प्रोफाइल इन्टरनेशनल एजुकेसन कन्सल्टेन्सीले शैक्षिक परामर्शदाताको रुपमा सक्रिय भएर अष्ट्रेलिया, क्यानडा, युके, अमेरिका, डेनमार्क, न्युजल्याण्ड, फिनल्याण्ड,युरोप लगायत अन्य देशहरुमा उच्च शिक्षा हासिल गर्न चाहाने विद्यार्थीका लागि शैक्षिक परामर्शका साथै भिसा सम्बन्धी काम गर्दै आइरहेको छ । यसैबीच प्रोफाइल इन्टरनेशनल एजुकेसन कन्सल्टेन्सीले अभिनेत्री तथा ब्रान्ड एम्बासडर दिव्या रायमाझीको उपस्थितिमा यही मार्च २७ का दिन युके एडमिसन डे शैक्षिक मेला पनि आयोजन गर्ने जनाएको छ ।