हिमाल,पहाड र तराई एकै स्थानबाट देख्न सकिने थाहाको तारेभिर(हेर्नुस तस्वीर)

तस्विर गणेश बिष्ट / थाहा नगर माघ ११/ थाहा नगरपालिका वडा न ४ को ऋषेश्वर सामुदायिक वन भित्र रहेको "तारे भिर"नगर तथा जिल्लाको नयाँ पर्यटकिय गन्तव्यको रुपमा विकास हुँदै गएको छ। थाहा नगरपालिका र भिमफेदी गाउँपालिकाको सिमानामा पर्ने तारेभिर बाट सुर्यास्त र सुर्योदयको साथमा तराई ,पहाड,हिमाल एकसाथ अवलोकन गर्न सकिने भएकोले पर्यटकहरू आकर्षित भएका हुन। थाहा नगरपालिकाको सिमभन्ज्याङ र गोलमोड नजिकैबाट करिव २०/२५ मिनेटको पैदल यात्रामा पुग्न सकिने तारेभिर लाई स्थानियहरु ऋषेश्वर महादेवको शिर भनेर भन्नेगरेका छन।जहाँ बुद्ध धर्मावलम्बीहरुले ध्यान जप गर्ने स्थान पनि हो। तारेभिर बाट उत्तर तर्फ रहेको हिमालय रेन्ज र दक्षिण तर्फ तराईका समथर भुभाग देखि भारत सम्मको भुभाग नाङ्गो आखाले स्पर्श गर्न सकिन्छ भने एकै स्थानबाट बिहान सुर्योदय तथा बेलुकी सुर्यास्तको दृश्य को मजालिन सकिन्छ। सिमभन्ज्याङ,गोलमोड र ऋषेश्वर महादेवको मन्दिर बाट पुग्न सकिने उक्त नयाँ पर्यटकिय क्षेत्रको बिकासको लागि नगरपालिका तथा भिमफेदी गाउँपालिका दुबैले पहल गरि त्यहाँ गोरेटो बाटो,विश्राम स्थल र भिर माथी रेलिङ लगाउन पहल गर्नुपर्ने स्थानिय निरोज प्रधान बताउनुहुन्छ।