स्थानीय स्काउट थाहाको आयुक्तमा गणेशमान श्रेष्ठ नियुक्त

स्थानीय स्काउट थाहा नगरको आयुक्तमा गणेशमान श्रेष्ठ नियुक्त हुनुभएको छ।
नेपाल स्काउट ऐन २०५० अन्तर्गत बनेको नेपाल स्काउट नियमावली २०७७ को दफा २१ मा स्थानीय स्काउट परिषदमा निर्वाचित सदस्यहरुमध्य बाट स्थानीय संरक्षकले एक जना आयुक्त मनोनित गर्ने व्यवस्था अनुरुप स्थानीय स्काउटका संरक्षक समेत रहेका थाहा नगर प्रमुख बिष्णु बिष्टले श्रेष्ठलाई फागुन ६ मा मनोनित गरेका हुन।
स्थानीय स्काउटको फागुन ४ गते बसेको बैठकको निर्णय अनुसार श्रेष्ठलाई स्थानीय स्काउटको आयुक्तमा सिफारिस गरिएको थियो।
गत माघ २२ गते सम्पन्न स्थानीय स्काउट परिषद सदस्यमा निर्वाचित भएका श्रेष्ठ झम्केश्वरी माध्यमिक विद्यालयका प्रधानाध्यापक समेत हुन भने यस अघि स्थानीय स्काउट थाहाको संयोजक रहेर आफ्नो जिम्मेवारी पूरा गरिसकेका छन।
उनी संगै स्थानीय स्काउट थाहा नगरले पूर्णता पाएको छ।जसमा संरक्षक बिष्णु विष्ट (थाहा नगर प्रमुख)
प्रमुख भरत गाेपाली(थाहा नगर उप प्रमुख),आयुक्त गणेशमान श्रेष्ठ, सदस्यहरुकुमार नेगी,विनोद लामिछाने,राम महर्जन,कृष्ण प्रसाद लामिछाने,मिना महर्जन,सुमित्रा केसी,गंगा नेपाल,सावित्री केसी र रेणुका गुरुङ रहेका छन भने 
सदस्य सचिव थाहा नगर शिक्षा शाखा प्रमुख माधबबिक्रम मल्ल रहनुभएको छ।