सामुहिक होमस्टे संचालनका लागि समिति गठन

१९ असार । दामन पालुङमा होमिस्टे सन्चालन गर्नको लागि सामुहिक होमस्टे समिति गठन भएको छ ।
 
शनिबार थाहा नगरपालिका वडा न ३ डाडागाँउ गोरखनाथ मन्दिर परिसरमा भएको भेलाले  अनुप बस्नेतको अध्यक्षतामा ११ सदस्यीय समिति गठन भएको हो ।

समितिको उपाध्यक्षमा इश्वरी बस्नेत, सचिबमा कृष्णराज सुमन सुबेदी, कोषाध्यक्षमा सुमन खड्का चयन भएकाछन ।

त्यस्तै सदस्यहरुमा गणेश बिष्ट, माधब कार्की, रामकृष्ण खड्का, बिज्ञान बिष्ट, दिपा बिष्ट, प्रतिभा बिष्ट, सरिना बिष्ट चयन भएका छन्  ।

तारा गाउँ बिकास समितिका अध्यक्ष प्रल्हाद न्याैपाने  तथा पर्यटन तथा नागरिक उड्डयन मन्त्रालयका सचिब लिला प्रसाद तिमिल्सिनाको उपस्थिति तथा थाहा नगरपालिका वडा नम्बर ३ का अध्यक्ष राजेश केसीको आतिथ्यतामा उक्त समिति गठन भएको हो ।

आजै १ दिने पर्यटकीय जनचेतनामुलक कार्यक्रम समेत गरिएको अध्यक्ष बस्नेतले बताउनुभयो ।
उहाँले छिट्टै यो समितिलाई दर्ता गरि सामुहिक होमस्टे संचालन गर्ने प्रक्रिया थालनी गर्ने बताउनुभयो ।

आन्तरिक तथा बाह्य पर्यटकलाई थाहा नगरपालिकामा आकर्षण गरि यहाँको आर्थिक समृद्धिको लागि सामुहिक होमस्टे समिति क्रियाशिल हुने समितिका सदस्य माधब कार्कीले बताउनुभयो ।
थाहानगरपालिकामा धार्मिक पर्यटनको बिकासको लागि पनि सामुहिक होमस्टे आवश्यक भएको समितिका अर्का सदस्य गणेश बिष्टले बताउनुभयो ।