शिखरकोट लेखापढी इकाईको चौथो साधारणसभा सम्पन्न।

नेपाल लेखापढी कानुन व्यावसायी एसोसियसन शिखरकोट इकाईको चौथों साधारणसभा सम्पन्न भएको छ।
१ असारमा नगरको सहारा रिसोर्टको सभाहलमा इकाईका अध्यक्ष जियो तामाङको अध्यक्षता तथा एसोसियसनका केन्द्रिय अध्यक्ष सिताराम दाहालको प्रमुख आतिथ्यतामा भएको साधारणसभामा एसोसियसनका केन्द्रिय उपाध्यक्ष तथा बागमती प्रदेश संयोजक सुर्य बहादुर थापा र केन्द्रिय सचिव आत्मराम मोक्तानको विशिष्ट आतिथ्यता रहेको थियो भने केन्द्रिय सदस्य बासुदेव मिश्र,खिल प्रसाद गौतम,प्रदेश सदस्य रन्जिता बिष्ट,थाहाका निवर्तमान अध्यक्ष राम प्रसाद गोपाली,एसोसियसनका चितवन जिल्ला समन्वय समिती अध्यक्ष छविलाल अधिकारी,मकवानपुरका अध्यक्ष पुण्य प्रसाद अर्याल,हेटौंडा इकाईका अध्यक्ष पदम बहादुर बजगाँइ,जिल्ला सदस्य सन्तोषी बर्तौला,समाज बिष्ट,सत्रुघन बैठाको उपस्तिथि रहेको थियो।
साधारणसभाको उद्घाटन् सत्रमा बोल्ने बक्ताहरुले सस्थालाई सुस्त र चुस्त बनाउनका लागि लेखापढी कानुन व्यवसायीहरु एकजुट भएर अघि बढ्नुपर्ने बताएका थिए । त्यसका लागि एसोसियसनको नेतृत्वले सवैलाई मिलाएर अघि बढ्नुपर्नेमा जोड दिएका थिए । साधारणसभामा आर्थिक प्रतिवेदन कोषाध्यक्ष शर्मिला जिम्बा र प्रगति प्रतिवेदन अध्यक्ष जियो तामाङले प्रस्तुत गरेका थिए।
कार्यक्रममा शुभकामना व्यक्त गर्दै प्रमुख अतिथी केन्द्रिय अध्यक्ष सिताराम दाहालले एसोसिएसनलाई अहिले राज्यबाट परिचित रहेको संस्थाको रुपमा ल्याउन सकेको भन्दै खुसी व्यक्त गरे । ‘अध्ययन, अनुशासन र लगनशीलता’ लेखापढी व्यवसायीहरुको मूल मन्त्र हुनुपर्ने भन्दै आफू र आफ्नो पेशालाई मर्यादित र व्यवस्थित बनाउन आग्रह गरे ।