वडा अध्यक्ष रायमाझीको पहलमा अक्सिजन कन्सन्ट्रेटर सहयोग

थाहा नगरपालिका वडा न ३ का अध्यक्ष हिरेन्द्र रायमाझीको बिशेष पहलमा वडामा रहेकी एक दमका बिमारी महिला लाई एक लाख बराबरको अक्सिजन कन्सुलेटर सहयोग गरिएको छ।
पाटन स्वास्थ्य बिज्ञान प्रतिष्ठानको समुदायमा आधारित प्रशामक सेवा कार्यक्रम संग सहकार्य गरि उक्त कन्सुलेटर प्रदान गरिएको हो।
थाहा ३ कि ५८ बर्षका महिला लाई विगत ८ बर्ष देखि दमको रोगले च्यापिरहेको र दैनिक १ सय रुपैयाँ भाडा तिरेर दमको उपचार गराइरहनु भएको विरामीलाई अक्सिजन मेसिन घरमै पुगेर सहयोग गरिएको वडा न ३ का अध्यक्ष रायमाझीले बताए।
स्वास्थ्य संस्थामा उपचारको लागि सजिलै आउन नसक्ने क्यान्सर,दम लगायत पिडामा छटपटाइरहेका बिरामी हरुको लागि घरमै पुगि स्वास्थ्य चेकजाँच गर्दै आइरहेको प्रशामक सेवा संग सहकार्य गर्दै वडाले अक्सिजन मेसिन प्रदान गरिएको हो।
हालसम्म संस्थाले थाहा नगरपालिका भित्र १९ वटा एस्ता मेसिन बिरामीलाई निशुल्क प्रदान गरिसकेको छ भने अन्य क्यान्सर जस्ता घातक रोगहरुको उपचार गर्न थाहाका टिस्टुङ स्वास्थ्य चौकी,चित्लाङ,बज्रवाराही,पालुङ,र आग्रा स्वास्थ्य चौकीका स्वास्थ्य चौकीका स्वास्थ्यकर्मी हरुलाइ तालिम समेत प्रदान गर्दै आइरहेको प्रशामक सेवा कार्यक्रम थाहाका प्रमुख चिनिया लामाले बताए।