रेडक्रस बज्रवाराहीको १८ औं बार्षिक साधारणसभा सम्पन्न

थाहानगर,२७ माघ/नेपाल रेडक्रस सोसाईटी बज्रबाराही उपशाखाको १८ औं बार्षिक साधारणसभा सम्पन्न भएको छ ।

सनिवार नेपाल रेडक्रस सोसाइटी मकवानपुर जिल्ला शाखा सभापति लालबहादुर थापाको प्रमुख आतिथ्यतामा सम्पन्न साधारणसभामा बज्रबाराही उपशाखाका पूर्व सभापतिहरुलाई सम्मान गरिएको थियो ।

उपशाखा सभापति राजेन्द्र विडारीको अध्यक्षतामा भएको साधारणसभामा पूर्व सभापतिहरु सानुकाजी गोपाली,महेश्वर सुवेदी,जिल्ला शाखा सदस्य पिताम्बर बास्तोलाले शुभकामना मन्तव्य राखेका थिए । 

साधारणसभाले उपशाखा सभापति राजेन्द्र विडारी, कोषाध्यक्ष फणिन्द्रनाथ सुवेदी , सचिब मेघराज बलामीले प्रस्तुत गर्नुभएको प्रतिबेदनहरु अनुमोदन गरेको छ ।
कार्यक्रममा प्रमुख अतिथी जिल्ला सभापति लाल बहादुर थापाले मानविय सेवा भावमा नेपाल रेडक्रस सोसाईटीको भूमिका महत्वपूर्ण भएको बताए ।
उनले विपतको बेलामा रेडक्रसले गरेको सेवा भाव विश्वमा नै परिचित रहेको भन्दै बज्रवाराही उप शाखाले गरेको काम पनि उत्कृष्ठ रहेको बताए । उनले संस्था सुरुवाती दिनमा विभिन्न प्रक्रियागत रुपमा कमी कमजोरी हुने भएपनि संस्थालाई अझ बलियो, सुदृढ र शशक्त बनाउनको लागि संस्थाको टिम, सदस्यहरुको गहन भूमीका हुने बताएका हुन ।