मुख्यमन्त्री जमकट्टेल थाहामा

बागमती प्रदेशका मुख्यमन्त्री शालिकराम जमकट्टेलले प्रदेशका बजेटहरुबाट थाहामा संचालन भएका योजनाहरु प्रभावकारी भएको बताएका छन् । बागमती प्रदेशबाट थाहानगरका लागि विनियोजित बजेटले संचालन भएका योजनाहरु नतिजामुखी भएको समेत मुख्यमन्त्री जम्मकटेलले बताउनु भयो। मुख्यमन्त्री आज थाहानगर हुँदै प्रदेश राजधानी हेटौंडा जाने क्रममा थाहा नगरमा महिला कर्मचारीले आयोजना गरेको तिज बिशेष कार्यक्रममा उपस्थिति जनाउने क्रममा सोकुरा बताएका हुन।
भेटमा नगर प्रमुख बिष्णु बिष्ट  ,उपप्रमुख भरत गोपाली,प्रमुख प्रशासकीय अधिकृत कृष्ण गिरी,वडा अध्यक्ष हरु हिरेन्द्र रायमाझी ,हेरमान गोपाली,बिष्णु बहादुर गुरुङ लगायत महिला जनप्रतिनिधि हरुसंगको भेटपछि उहाले यस्तो बताउनु भयो ।  

मुख्यमन्त्री जमकट्टेलले प्रदेश सरकार बाट निर्माण भैरहेको थाहा स्मारक पार्क, थाहा शीतभण्डार, थाहा बसपार्क, आँखा उपचार केन्द्र ,लगायत दामगाडे महादेववेसी सडक ,कुन्छाल कुलेखानी सडकलाई निरन्तर सहयोग भैरहने प्रतिवद्द्ता व्यक्त गर्दै तरकारी पकेट क्षेत्रको लागि समेत प्रदेश सरकार बाट काम भैरहेको बताउनु भयो ।
थाहा नगरपालिका पर्यटकीय नगर भएकोले यहाँको पर्यटन प्रवद्र्धनका लागि थाहा स्मारक पार्कले महत्वपूर्ण हुने मुख्य मन्त्री जम्मकटेलले  बताउनु भयो  पार्कको लागि स्रोत व्यवस्था गरेर छिटै निर्माण सकेर आम्दनीको स्रोतको रुपमा अघि बढाउन मुख्य मन्त्री जम्मकटेलले सुझाव दिनु भयो । 
 पर्यटन प्रवद्र्धनमा नगरले प्रभावकारी योजना संचालन गरेको र यसलाई पूर्णता दिन आफ्नो तर्फबाट सहयोग हुने मुख्यमन्त्री पौडेलले बताउनु भयो ।