मुक्तिनाथ हरियालीको साधारणसभा सम्पन्न

थाहा नगरपालिका २ न वडा फाटबजारमा रहेको मुक्तिनाथ हरियाली कृषि सहकारी संस्थाको ८ औं वार्षिक साधारणसभा सम्पन्न भएको छ। संस्थाका अध्यक्ष माधव कार्कीको अध्यक्षतामा सम्पन्न साधारणसभाको वडा न २ का वडा अध्यक्ष बम बहादुर सिनतानले उद्घाटन गरे। साधारणसभामा वडा सदस्य युवराज बिष्ट,जिल्ला कृषि सहकारी संघका राजकुमार केसी,शुभारम्भ कृषि सहकारीका अध्यक्ष बिक्रम बिष्ट ,पालुङ जेसिज बर्ष २०२३ का अध्यक्ष संगम कार्की ,मंगलदिप बचत तथा ऋण सहकारीका व्यवस्थापक गणेश बिष्ट ,थाहापाटिका कार्यकारी सम्पादक शम्भु अधिकारी,घाटदेवी निमाबिक अध्यक्ष वीर बहादुर तामाङ,पाथीभरा सहकारीका अध्यक्ष गोकर्ण बरुवाल,दिपज्योती बोर्डिङका संस्थापक रामशरण थापा लगायतका अतिथिहरुको उपस्थिती रहेको थियो। संस्थाका अध्यक्ष माधव कार्कीले आफ्नो प्रतिवेदन प्रस्तुत गर्दै संस्थाले शेयर पुजी वृद्धि लगायत सहकारी पसल संचालन ,मल बीउ,विषादी लगायत कृषि सामाग्री बितरण गर्न सफल रहेको प्रतिवेदन प्रस्तुत गर्दै सहकारी पसल मार्फत सुपथ मुल्यमा दैनिक उपभोग्य सामान,उन्नत जातका बिउबिजन ,भेटेनरी समेतको व्यवस्था गरि आफ्ना सदस्यहरुलाइ सेवा सुबिधा दिदै आइरहेको बताए। थाहा नगरको दिनचर्या कृषि कर्म भएकोले किसानहरूले किन्ने मल,बिउबिजन,पोषकतत्वको बजार मूल्य बढी भएकोले गुणस्तरीय र सरल मुल्यमा कृषि सामाग्री उपलब्ध गराउन नगर भित्र रहेका कृषि सहकारीहरुले जोड दिनुपर्ने प्रमुख अतिथी वडा अध्यक्ष बम बहादुर सिनतानले बताउदै संस्थाको प्रगतिको शुभकामना दिनुभयो। शुभकामना मन्तव्य दिदै मकवानपुर जिल्ला सहकारी संघका राजकुमार केसीले कृषि सहकारी हरुले उत्पादित कृषि जन्य बस्तुलाइ बजार मुल्यमा बिक्री बितरण गर्न सहजीकरण गर्नुपर्नेमा जोड दिदै कृषि क्षेत्रमा लगानी बढाउन आग्रह गरे। संस्थाको हाल शेयर पुजी १४ लाख १९ हजार र निक्षप ८ लाख ४५ हजार रहेको प्रतिवेदन प्रस्तुत गरियो।साधारणसभा लाई संस्थाका उपाध्यक्ष तुलसा बिष्टले संचालन गर्नुभएको थियोे ।