मिस्टर एण्ड मिस थाहाको फाइनलमा कलाकार सलोन बस्नेत र मोडल सेन्जल पौडेल आउदै।

थ्रि ब्रदर्श फोटोग्राफीको आयोजनामा भइरहेको मिस्टर एण्ड मिस थाहा साैन्दर्य प्रतियोगिताको फाइनलमा कलाकार सलोन बस्नेत र मोडल तथा कोरियोग्राफर सेन्जल पौडेल आउने आयोजकले जनाएको छ। 

३० भदौमा पालुङ जेसिज हलमा हुने फाइनलक्क लागि  मिस्टर एण्ड मिस थाहाको फेसबुक पेजबाट अन्तिम प्रतिष्पर्धी २० जनाको भिडियोसहितको प्रोमो पनि  सार्वजनिक गरिएको छ।

आगामी ३० भदौमा हुने अन्तिम प्रतिष्पर्धामा मिस थाहातर्फ सिम्रन कार्की, निकिता गोपाली, अज्मी बम्जन, सम्झना तामाङ, बिस्मिता गोपाली, प्रिती गोले, रोइसा सुनुवार, रोजिना तामाङ, दिया तामाङ, मञ्जु तामाङ, अमृता कार्की, प्रिती कार्की र श्रीया कार्की भिड्दैछन् । त्यसैगरी मिस्टर थाहातर्फ सविन विश्वकर्मा, नविन सुनार, पल्लब खत्री, विराज कार्की, ओजस खत्री, दिप्सन खत्री सहितकाे प्रतिष्पर्धा रहने आयोजकले जनाएको छ ।

थाहा नगरपालिकाको सहकार्य रहेको ट्यालेन्ट शो प्रतियोगिताका अन्तिम प्रतिष्पर्धीहरुको भिडियो सहारा रिसोर्टमा छाँयाकन गरिएको थियो ।

१० देखि २५  वर्ष उमेर समूहका व्यक्तिहरु सहभागी उक्त प्रतियोगिताको प्रथम अडिशन ९ भदौमा जेसीज हलमा सम्पन्न भएको थियो । प्रथम अडिशन सम्पन्न भएसँगै आयोजकले सहभागीहरुलाई व्यक्तित्व तथा क्षमता विकास सम्बन्धी सीपमा सहभागी गराउँदै आएको छ ।

३० भदौमा हुने सौन्दर्य प्रतियोगिताबाट मिस र मिस्टर दुबैतर्फ विनर, फस्ट रनर अप, सेकेण्ड रनर अप र ब्राण्ड एम्बेसेडर घोषणा गरिने आयोजकले जनाएको छ ।