महालक्ष्मी बैंक द्वारा इप्रका पालुङ्गलाई सिसि क्यामेरा सहयोग ।

महालक्ष्मी बिकास बैंक पालुङ्ग शाखाले आफ्नो संस्थाको सामाजिक उत्तरदाइत्व कार्यक्रम अन्तर्गत ईलाका प्रहरी कार्यालय लाई सात थान सिसि क्यामरा सहयोग गर्दै हस्तान्तरण गरेको छ।
आज ईलाका प्रहरी कार्यालय पालुङ्गको हाताभित्र भएको क्यामेरा हस्तान्तरण कार्यक्रममा महालक्ष्मी बिकास बैंक पालुङ्ग शाखाका ब्यबस्थापक संगिता बज्राचार्यले ईलाका प्रहरी कार्यालय पालुङ्गका प्रमुख दुर्गा खनाल लाई सिसि क्यामेरा हस्तान्तरण गर्नुभयो।क्यामेरा हस्तान्तरण पछि ईलाका प्रहरी कार्यालयका प्रमुख दुर्गा खनालले महालक्ष्मी बैंकको यो उदाहरणीय कार्यले थाहा नगरको शान्ति सुरक्षा कायम गर्न सहज हुने बताउदै सहयोगको लागि बैंकलाई धन्यवाद दिनुभयो।साथै बैंकका ब्यबस्थापक संगीता बज्राचार्यले बैंकले आफ्नो सामाजिक उत्तादाइत्व कार्यक्रम अन्तर्गत नगर भित्र विभिन्न सामाजिक कार्यलाई निरन्तरता दिदै जाने र भबिस्यमा अन्य क्षेत्रमा पनि सहयोगको कार्यक्रम निरन्तर गरीरहने बताउनुभयो ।
कार्यक्रममा ईलाका प्रहरी कार्यालयका प्रहरी ,बैंकका कर्मचारीहरु ,समाजसेवी पुर्शोत्तम ढकाल,पत्रकार शम्भु अधिकारीको उपस्तिथि रहेको थियो।