बिपदलाई मध्यनजर गर्दै,थाहामा स्टेरिङ्ग समिति तयारी अबस्थामा ,

थाहा नगर बिपद ब्यबस्थापनको आज थाहा नगरपालिकामा बसेको बैठकले थाहा नगरमा हाल मनसुनजन्य बिपदको समयमा भएका बिपदका क्षति तथा संभावित क्षति न्यूनीकरण गर्न ,वडागत रिपोर्टिङ गर्दै बिपद ब्यबस्थापनको लागि स्टेरिङ समिती गठन गरेको छ।बैठकले मनसुनजन्य बिपदलाइ मध्यनजर गर्दै पुर्व तयारी ,उद्दार,राहत बितरणलाई सम्बोधन गर्नकालागी नगर उपप्रमुख भरत गोपालीको संयोजकत्वमा स्टेरिङ्ग समिती गठन गरेको हो जसको सदस्यहरूमा ईलाका प्रहरी कार्यालयका प्रमुख दुर्गा खनाल,रेडक्रस मकवानपुरका सह कोषाध्यक्ष हरीकृष्ण कार्की,स्थानीय स्काउटका संयोजक गणेशमान श्रेष्ठ तथा बिपद शाखाका प्रमुख अनिल लामिछाने सदस्य सचिव रहने गरि स्टेरीङ्ग समिती गठन गरीएको छ।स्टेरिङ्ग समितिमा रहने सदस्यहरुको मोबाइल नम्बर छिट्टै सार्वजनिक गर्दै २४ घण्टा तयारी अबस्थामा रहने पनि सदस्य सचिव अनिल लामिछानेले जानकारी दियका छन।
थाहा नगरका प्रमुख बिष्णु बिष्टको अध्यक्षता तथा बिपद ब्यबस्थापन समितिका सदस्यहरुको उपस्थितिमा सम्पन्न बैठकले हाल मनसुनको प्रभावले पारेको क्षति तथा आइपर्ने बिपद ब्यबस्थापन गर्न छलफल गरीयको लामिछानेले बताय ।
लामिछानेका अनुसार थाहा नगरमा बिपद ब्यबस्थापन गर्नको निम्ति वडा स्तरिय तथा टोल स्तरीय बिपद ब्यबस्थापन समिती गठन गराउनका लागि वडा कार्यालयमा पत्राचार गरिने निर्णय गरियको बताउदै,वडा कार्यालय हरुबाट वडा भित्र मौजुदा रहेको निजि क्षेत्रका जेसिवी,एक्साभेटर,लोडर हरुको विवरण तथा वडा भित्र रहेका सामुदायिक भवन,सरकारी भवन हरुको विवरण पेश गर्न पनि वडा कार्यालयहरूलाई पत्राचार गरिने निर्णय गरेको सदस्य सचिव अनिल लामिछानेले जानकारी दिनुभयो ।
बैठकमा थाहा नगर प्रमुख,उपप्रमुख,प्रमुख प्रसाशकिय अधिकृत ,वडा अध्यक्षहरु,राजनैतिक दलका प्रमुख,पत्रकार,संघसंस्थाका प्रमुख,बिपद ब्यबस्थापन समितिका सदस्यहरुको उपस्थिति रहेको थियो।