फिफा विश्वकप २०२६ तिन देशमा आयोजना, ४८ टिम सहभागी हुने

दावा सेर्पा -UAE, ६ डिसेम्बर - आगामी फिफा विश्वकप २०२६-  ११ जुनदेखि १९ जुलाईसम्म आयोजना हुने भएको छ। यो प्रतियोगिता इतिहासमै पहिलोपटक अमेरिका, मेक्सिको र क्यानडाको  संयुक्त आयोजनामा सम्पन्न हुनेछ। फिफाले यसपटक विश्वकपमा सहभागी हुने टिम संख्या बढाएर ४८ पुऱ्याएको छ। हालसम्म ४२ टिम छनोट भइसकेका छन्, बाँकी ६ टिम प्ले अफ मार्फत् तय हुनेछन। उदघाटन खेल मेक्सिको शहरको "Estadio Azteca Stadium" मा हुनेछ भने फाइनल खेल न्यूयोर्क शहरको  "Met Life Stadium" मा आयोजना गरिनेछ ।

छनोट भएका  ४२ मध्येका  केही प्रमुख टिमहरूको सूची यस  प्रकार रहेका छन् ।
 दक्षिण अमेरिका (CONMEBOL): अर्जेन्टिना, ब्राजिल, उरुग्वे, इक्वेडर, पाराग्वे, कोलम्बिया
युरोप (UEFA): स्पेन, फ्रान्स, जर्मनी, इंग्ल्यान्ड, पोर्चुगल, नेदरल्याण्डस, बेल्जियम, क्रोएसिया, नर्वे, स्कटल्याण्ड, स्विटजरल्यान्ड, अष्ट्रिया
एशिया (AFC): जापान, दक्षिण कोरिया, इरान, साउदी अरब कतार, अष्ट्रेलिया, उज्बेकिस्तान, जोर्डन 
अफ्रिका (CAF): मोरक्को, सेनेगल, घाना, अल्जेरिया, ट्युनिसिया, आइभरी कोस्ट, इजिप्ट, दक्षिण अफ्रिका, केप भर्डे
उत्तर अमेरिका (CONCACAF): अमेरिका, मेक्सिको, क्यानडा (आयोजक), साथै कुरासाओ, हाइटि र पानामा
ओसियानिया (OFC): न्यूजिल्यान्ड

यसपटकको विश्वकपलाई इतिहासकै ठूलो प्रतियोगिता मानिएको छ, जसमा १०० भन्दा बढी खेल खेलिनेछन्।

I