पिछडिएका बर्गको हितमा काम गर्नुस भन्दै बधाई दिए दामन चेली समाजले जनप्रतिनिधि लाई ।

थाहा नगरपालिकामा महिला तथा बालबालिका , किशोरी ,जेष्ठ नागरिक र पिछडिएका बर्गको मुल प्रभाविकरण र ससक्तिकरणको उद्देश्यले स्थापित दामन चेली समाजले आज थाहा नगरका नवनिर्वाचित जनप्रतिनिधि हरुलाइ भेटी पिछडिएका बर्गको रुपान्तरणको लागी आग्रह गरियको दामन चेली समाजकी सदस्य उर्मिला गोपालीले जानकारी दिनुभयो।
तेस्तै चेली समाज र थाहा नगरपालिका सङ समन्वय गरि थाहा नगरभित्र रहेका किशोरी ,महिला,जेष्ठ महिला, अपांगहरुको ससक्तिकरणको निम्ति आर्थिक बर्ष ०७९/०८० को नीति तथा कार्यक्रममा सबैको आवाज समेट्न ध्यानाकर्षण गरियको समाजकी अध्यक्ष जयन्ती रायमाझीले बताउनुभयो।
आगामी बर्षमा किशोरी लक्ष्यित आत्मरक्षाका तालिम,बिपन्न तथा किशोरी हरुलाइ महिनावारी हुँदाको हेरचाह ,महिला स्वास्थ्य सिविर तथा महिलाहरुलाइ आर्थिकरुपले सबल बनाउन स्वरोजगारमुलक तालिम हरुको ब्यबस्था गर्न समाजले आग्रह गरेको छ।
ध्यानाकर्षण सङ्गै चेली समाजले नवनिर्वाचित मेयर,उपमेयर लगायत १२ वटै वडा अध्यक्षहरु लाई बधाई तथा सम्मान गरेको छ।सम्मान तथा महिलाहरुको माग प्रती प्रमुख बिष्टले धन्यवाद दिदै आफू महिला,बालबालिका ,अपाङ्ग तथा पिछडिएका बर्गको हितको लागि लडेको स्मरण गर्दै महिलाहरुको मागको सम्बोधन हुने बताउनुभयो