पालुङ बहुउद्देश्यीयको समूह प्रमुख गोष्ठी तथा बित्तीय साक्षरता सम्पन्न

पालुङ बहुउद्देश्यीय सहकारी संस्था लिमिटेडले संस्थामा आवद्ध लघुबित्त महिला आयआर्जन समुह प्रमुख गोष्ठी तथा वित्तीय साक्षरता कार्यक्रम एक समारोहबीच सम्पन्न गरेको छ।संस्थाको सभाहल थानाबजारमा १ सय ५६ जना समुह अध्यक्षहरुको समुपस्थितिमा कार्यक्रम सम्पन्न भएको हो।

कार्यक्रममा संस्थाले वित्तीय साक्षरता तथा आधुनिक डिजिटल प्रविधि तथा मोवाईल बैंकिङ्ग संग सम्वन्धि विषयमा प्रशिक्षित गरायको थियो।
कार्यक्रममा वित्तीय साक्षरताको विविध विषयवस्तुको बारेमा संस्थाका व्यवस्थापक प्रकाश पौडेल र सह ब्यवस्थापक राम प्रसाद ढकालले प्रस्तुतीकरण गरेका थिए ।
कार्यक्रममा सहभागी हरुलेले वित्तीय संस्थाबाट ऋण लिएपछि केही न केही व्यवसाय सञ्चालन गर्न आवश्यक रहेको बताउदै सहकारी संस्थाले  गाउँघरका सोझा साझा महिला दिदी बहीनीहरुलाई सही सूचना आदान प्रदान गर्नुका साथै महिला दिदी बहीनीहरुको आय आर्जन हुने काममा ऋण लगानी गर्न सहयोगी हुनुपर्नेमा जोड दिएका थिए।

कार्यक्रममा उपस्थित सम्पूर्णलाई स्वागत तथा वित्तीय संस्थाको वर्तमान अवस्थाको बारेमा संस्थाका अध्यक्ष  कृष्ण बहादुर बिष्टले स्पष्ट पार्नु भएको थियो भने कार्यक्रम सञ्चालक संस्थाका सचिव नावराज कार्कले गर्नुभएको थियो।
सहभागी हरुलाइ संस्थाका उपाध्यक्ष अरुण रायमाझीले स्वागत गर्नुभएको थियो।