पालुङ प्राधिकरणले ११ के.भि. लाईनको कण्डक्टर अपग्रेड गरेपछि विद्युत नियमित हुनुका साथै भोल्जेज पनि सुधार

पालुङ वितरण केन्द्रले ११ के.भि. लाईनमा कालो अर्थात ईन्सुलेशन भएको तार अपग्रेडिङ्ग गरेपछि विद्युत नियमित हुनुका साथै भोल्जेज पनि सुधार भएको छ ।
पालुङ वितरण केन्द्रको वितरित लाईनको एक मात्र स्रोत धोर्सिङ्ग सब स्टेशन बाट वितरित लाईनको धोर्सिङ्ग देखि कुलेखानी ड्याम साईड हुँदै मार्खु सम्म र ड्याम साईड देखि ईन्द्रसररोवरको कोगटे खोला सम्मको प्रशारित ११ के.भि.  लाईनमा यस आ.ब.मा कालो तार बदली गरिएको हो । 

पालुङ प्राधिकरणले धोर्सिङ देखि कुलेखानी ड्याम साईट हुँदै मार्खु सम्म र ईन्द्रसरोवरको कुलेखानी ड्याम साईड देखि कोगटे खोला सम्म तथा कुन्छाल देखि टिस्टुङ सम्म र फेदीगाँउ देखि चिसापानी सम्म ११ के.भी लाईनमा नाङ्गो तार हटायर कालो तार हालेको छ । 
 

पालुङ वितरण केन्द्र अन्तर्गत सबै लाईन नाङगो तारमा हुँदा अधिकांश लाईन आएको क्षेत्र वन क्षेत्र भएकाले रुख तथा हाँगाविगाले छुदा समेत र सामान्य पानी तथा हावाहुरीमा लाईन जाने समस्या रहेको भए पनि लाईन सुधार भए पछि उक्त समस्या कम भएकोे पालुङ प्राधिकरणका प्रमुख बिरमान रास्कोटीले बताउनु भयो । 
कालो तार अपग्रेडिङ्ग गरे पछि विगतका वर्षहरु भन्दा लाईन ट्रिपिङ्गको समस्यामा निकै कम भईसकेको र भोल्जेज पनि सुधार भएको साथै एक मात्र फिडर हुँदा भईरहेको समस्या मार्खुमा स्विचिङ्ग स्टेश बनाई  मार्खु पालुङ छुट्टै फिडर तानिएका कारण लाईन जाने समस्या न्युनिकरण भएको पनि प्रमुख रास्कोटीले बताउनु भयो । 

उत्तरी मकवानपुरमा वर्षाको समयमा ३/४ दिन सम्म लाईन नआउने समस्या थियो तर यस वर्ष प्राथमिकताका साथ हामी सुधारमा लागेका कारण ११ के.भि लाईनमा कालो तार हाल्न, कण्डक्टर अपग्रेडिङ्ग गर्न र मार्खु बाट पालुङ सम्म छुट्टै फिडर तानिएका कारण मार्खु चित्लाङ बज्रबाराही सम्म एक फिडर र दामन पालुङ आग्रा गोगने र्को फिडर तानिएको कारण पनि लाईन गईरहने समस्या कम भएको बताउदै अब बैकल्पिक फिडर बनिसकेकाले एउटामा समस्या आए पनि तत्काल अर्कोबाट विद्युत सप्लाई गर्न सकिने पनि प्रमुख रास्कोटीले बताउनु भयो ।