पालुङ क्याम्पसमा निर्विरोध भएका स्ववियु पदाधिकारीले लिय सपथ,

पालुङ बहुमुखी क्याम्पसमा यसअघि नै  निर्वाचन प्रक्रियामा सर्वसम्मत चयन भैसकेका स्ववियु  पदाधिकारीहरुको सपथ ग्रहण कार्यक्रम सम्पन्न भएको छ। क्याम्पस प्रमुख राजन मिश्रको सभाध्यक्षता तथा क्याम्पस सञ्चालक समितिका सदस्य मनोज अधिकारीको अातिथ्यतामा सम्पन्न भएको सपथ ग्रहण तथा प्रमाणपत्र वितरण कार्यक्रममा  निवर्तमान सभापति मुकेस गोलेले २०७३ सालमा आफु सभापति बन्दै गर्दाका क्षणहरु स्मरण गर्दै आजको  दिन सम्म आफ्नो कार्यकाल सफल बनाउन प्रत्यक्ष तथा अप्रत्यक्ष सहयोग गर्नुहुने सम्पुर्ण विद्यार्थी ,प्राध्यापक ,क्याम्पस संचालक समिती र समकक्षी विद्यार्थी संगठन लाई  धन्यबाद ब्यक्त गर्नुका साथै नव निर्वाचित पदाधिकारीहरुले स्वतन्त्र रुपमा भबिष्यमा बिद्यार्थिका हक अधिकारका बिषयमा र उच्च शिक्षा प्रेमिको साथ र सहयोगमा शिक्षाको गुणस्तर बृद्दिमा उल्लेखनिय भुमिका निर्वाह गर्न  शुभकामना दिनुभयो ।
कार्यक्रममा निर्वाचन समिति सदस्य हरिकृष्ण कार्किले  स्ववियुको  गठन र निर्वाचन प्रक्रियाको औचित्य माथी प्रष्ट पारेका थिए । कार्यक्रम निर्वाचन समिति अधिकृत कुमार नेगिले सञ्चालन गर्नु भएको थियो ।
पालुङ बहुमुखी क्याम्पसमा प्रत्यक्षतर्फ अध्यक्षमा पुस्कल श्रेष्ठ, सचिवमा दिलिप रुम्बा, कोषाध्यक्षमा आयाम नापित र  सदस्यहरुमा मेनुका देउला, मोणिका खत्री र पुष्पा कार्कीकाे उम्मेदवारी परेकाे छ । श्रेष्ठ र देउला क्रान्तिकारीबाट हुन् भने रुम्वा र नापित अखिलबाट हुन् । त्यस्तै खत्री र कार्की क्रमशः नेवि संघ र राप्रविसंबाट हुन् ।

समानुपातिकतर्फ अखिल क्रान्तिकारीबाट सविता केसी, नेविसंघबाट रोशनी गोपाली र नविना अधिकारी, अनेरास्ववियु बाट सुस्मिता श्रेष्ठ र राप्रविसंबाट पुष्पा पाख्रिनले उम्मेदवारी दिएका थिय।
क्रान्तकारीलाई अध्यक्ष र २ सदस्य, अखिललाई सचिव, काेषाध्यक्ष र १ सदस्य, नेवि  संघलाई उपाध्यक्ष, उपसचिव र १ सदस्य र राप्रविसंलाई २ सदस्य  दिने गरी सहमति गरेकाे  थियाे । सहमति अनुसार नेविसंघले समानुपातिकतर्फ पेस गरेकाे सदस्यका उमेदवारहरु राेशनी गाेपाली र नविना अधिकारी क्रमशः उपाध्यक्ष र उपसचिव चयन भएका छन । प्रत्यक्षतर्फका ६  जना र समानुपातिकतर्फका ५ सदस्य गरी ११ जनाकाे बैठकले समानुपातिकबाट आएका दुई जनालाई क्रमशः उपाध्यक्ष र उपसचिव चयन गर्ने निर्देशिकामा उल्लेख छ।