पाँच बर्ष पछि कामको मुल्यांकन गरेर बधाई दिनुस:-थाहा नगर प्रमुख

थाहा नगरपालिकाका प्रमुख बिष्णु बिष्ट आदर्शले  जनप्रतिनिधिहरुलाइ बधाई तथा शुभकामना अहिले होइन ५ बर्ष जनताको काम कति गर्यो भनेर मुल्यांकन गरि कार्य अवधी सकिएपछि दिनुपर्नेमा जोड दिनुभएको छ।आज पालुङ्ग जेसिजले जेसिज भवनमा आयोजना गरेको नवनिर्वाचित जनप्रतिनिधिहरु लाई बधाइ तथा शुभकामना कार्यक्रममा प्रमुख बिष्टले उक्त कुरा बताउनु भयो।वहाँले अब बन्ने निति तथा कार्यक्रममा थाहाका समग्र जनताको भावनालाई कदर गर्दै कार्यक्रम बनाउने तथा एस्कोलागी सबै सरोकारवाला हरु सङ्ग छलफल गरेरै अगाडि बढ्ने बताउनुभयो।साथै वहाँले थाहा नगरको जतिनै बिकास गरेपनी यहाँका जनताको अबस्था बदलियन भने त्यो बिकासको औचित्य नहुने बताउदै पाँच बर्षको कार्यकालमा शुसासन,बिकास र जनताको अवस्था बदल्न लागिपर्ने बताउदै खवरदारी र सुझावको निरन्तर अपेक्षा राख्नुहुदै धन्यवाद ब्यक्त गर्नुभयो।गत बैशाख ३० गते सम्पन्न स्थानीय निर्वाचनमा बिजयी भएका थाहा नगरपालिकाका जनप्रतिनिधिहरु लाई पालुङ्ग जेसिजले शुभकामना तथा बधाई दियको छ।
जेसिज हलमा सम्पन्न कार्यक्रममा पालुङ्ग जेसिज बर्ष २०२२ का अध्यक्ष जयराम केसीको अध्यक्षतामा सम्पन्न शुभकामना कार्यक्रममा थाहा नगरका निवर्तमान प्रमुख लबशेर बिष्ट निवर्तमान उपप्रमुख खड्गबहादुर गोपाली,नवनिर्वाचित प्रमुख बिष्णु बिष्ट आदर्श ,उपप्रमुख भरत गोपाली,१२ वटै वडाका नवनिर्वाचित वडा अध्यक्षहरु तथा पालुङ्ग जेसिजका पुर्व अध्यक्षहरु तथा जेसिज सदस्यहरुको उपस्तिथि रहेको थियो।