पाँचौं संस्करणको थाहा गोल्डकप भोलिबाट,९ वटा टिमको सहभागिता रहने,

पाँचौं संस्करणको थाहा गोल्डकप फुटबल प्रतियोगिताको तयारी पूरा भएको प्रतियोगिताको व्यवस्थापक शिखर क्लबले जानकारी दिएको छ।

 जेठ ११ देखि इन्द्रायणी चौरको खेल मैदानमा सुरु हुने प्रतियोगिताको दिउँसो १ बजे थाहा नगरका नगर प्रमुख बिष्णु बिष्टले उद्घाटन गर्नुहुने भएको छ। "स्वास्थ्यका लागि खेलकुद,राष्ट्रको लागि खेलकुद"भन्ने मूल नाराका साथ थाहा नगरपालिकाको खेलकुद विकास समितिको आयोजना तथा शिखर क्लबको व्यवस्थापनमा हुने प्रतियोगिता थाहा आन्दोलनका प्रणेता रुपचन्द्र बिष्टको जन्मोत्सव पारेर रुदाने कै स्मृतिमा हरेक बर्ष पुस २६ मा प्रतियोगिताको आयोजना हुदै आइरहेकोमा यो बर्ष प्राविधिक कारणले ६ महिना पछि प्रतियोगिता संचालन हुँदै छ। थाहा नगरपालिकाको खेल मैदान इन्द्रायणी चौरमा संचालन हुदै आइरहेको प्रतियोगितामा पहिलो सस्करणमा १२ टोलीको सहभागिता रहेकोमा दोश्रो र तेश्रो सस्करणमा ३२\३२ टोलीको सहभागिता रहेको थियो भने चौथो संस्करणमा १८ टिमले सहभागी सहभागिता जनाएकोमा यो बर्ष ९ वटा टिमले प्रतियोगितामा सहभागिता  जनाउन टिम दर्ता गरेको नगर खेलकुद बिकास समितिका सदस्य यादव रायमाझीले बताए ।

अगाडिको सस्करणमा २५ हजार दर्शकले भौतिक उपस्थितिमा तथा ५ लाख दर्शकले अनलाइनमा प्रतियोगिताको लाइभ प्रसारण हेरेका थिय।
बिगतमा सफलतापुर्वक सम्पन्न थाहा गोल्डकप बाट उत्पादित स्थानीय खेलाडीहरुले जिल्ला प्रदेश र राष्ट्रिय स्तरमा आफ्नो पहिचान गराउनको निम्ति प्रतियोगिताको औचित्य भएको थाहा नगर प्रमुख बिष्णु बिष्टले बताउनुभयो वहाले थाहा गोल्डकप बाट मकवानपुर जिल्लालाई खेलको माध्यम बाट परिचित गराउन समेत सहयोग पुर्यायको उल्लेख गर्दै आगामी दिनमा राष्ट्रिय स्तरको टिममा जिल्लाको उत्तरी भेगको थाहा नगरपालिकाको समेत प्रतिनिधित्व हुने बातावरण बनाउन सफल हुने हुदा प्रतियोगिताको आवश्यकता बढेर गएको बताए ।
५ दिन सम्म चल्ने प्रतियोगिताको बिजेताले पुरस्कार  नगद २ लाख र उपबिजेताले नगद १ लाख पुरस्कार पाउने छन् नगद बाहेक शिल्ड ,प्रमाणपत्र तथा मेडल सहित प्रत्यक म्याचमा म्यान अफ दि म्याच घोषणा तथा विधागत उत्कृष्ट खेलाडीहरुलाई नगद तथा प्रमाणपत्र प्रदान गरिने व्यवस्थापनको जिम्मा पाएको शिखर क्लबले जनाएको छ | प्रतियोगिता गोल नेपाल डट कम अनलाइन बाट प्रत्यक्ष प्रसारण हुने  आयोजकले जानकारी दियको छ ।