निर्माणाधीन चित्लाङ स्वास्थ्य चौकिको भवनमा बिदेशी पाहुनाद्वारा श्रमदान।

च्वाइस नेपाल तथा थाहा नगरपालिकाको संयुक्त  लगानिमा निर्माण हुदै गरेको  चित्लाङ स्वास्थय चौकि भवन परिसरमा  चाइना र अमेरिकाका  डोटरा हिलिङ हेन्ड फाउन्डेसन बाट ५४ जनादाता हरुले अबलोकनका साथै स्वास्थ्य चौकी निर्माणमा श्रमदान गरेका छन । 
 असोज २४मा चित्लाङ आइपुगेका दाताहरु २७ गते फर्कने र ३ दिनको बसाइमा निर्माणाधीन स्वास्थ्य  चौकिमा श्रमदान गर्ने , किसोरी लक्षित कार्यकर्म गर्नेका साथै स्वचन्द भैरब मा वि ,चम्पाकेश्वर आधारभुत विद्यालय, नाटेश्वर मा वि,जनक प्रा बि , कालिदेवि प्रा बि का गरि २० जना बिद्यार्थि का लागि छात्रबृति प्रदान गर्ने कार्यक्रम समेत रहेको च्वाइस नेपालका प्रताप घिमिरेले जानकारी दिए।
२४ गते थाहा नगरपालिका वडा  ९का वडा अध्यक्ष राजकुमार बलामीको प्रमुख आतिथ्यतामा ५४ जना बिदेशी पाहुनाले स्वास्थ्य चौकीको निर्माण स्थलमा श्रमदान गरेका थिए।स्वास्थ्य चौकी  निर्माण समितिका अध्यक्ष राजिव नापितको अध्यक्षतामा सम्पन्न कार्यक्रममा च्वाईस नेपालका कार्यकारी निर्देशक प्रतिक शर्माले  स्वास्थ्य चौकि निर्माणमा सहयोग पुराउने सम्पुर्ण स्थानिय , थाहा नगरपालिका र बिदेशीदाता हरुलाई  धन्यवाद ब्यक्त गर्नु भयको थियो।

 कूल २ करोड ९ हजार ४७० रुपैयाँ लागतमा निर्माण हुने चित्लाङ स्वास्थ्यचौकी भवनको लागि च्वाइस नेपालको १ करोड ५० लाख लगानी रहने घिमिरेले बताउनुभयो ।

उहाँले निर्धारित समयमै निर्माणकार्य सम्पन्न गर्ने समेत बताउनुभयो । प्रबिधिकका अनुसार स्वास्थ्यचौकी भवनको निर्माण कार्य करिव ५५ प्रतिशत सम्पन्न भएको छ । तीन बर्षमा सम्पन्न गर्नेगरि निर्माण थालनी गरेको स्वास्थ्यचौकी भवनको लागि थाहा नगरपालिकाले ५९ लाख ४७० रुपैंया लगानी गर्नेछ । पहिलो बर्षमा स्वास्थ्यचौकी भवन निर्माण गरिने, दोश्रो बर्ष स्वास्थ्य संस्थालाई आधुनिक उपकरण सहित प्रबिधिमैत्री बनाइने र तेस्रो बर्ष कर्मचारी र स्वास्थ्यकर्मीहरुको क्षमता बिकास गरि दक्ष बनाउन बिभिन्न तालिम कार्यक्रम संचालन गरिने च्वाईस नेपालका कार्यकारी निर्देशक प्रतिक शर्माले बताए ।