दामनमा व्यवसायिक सिप बिकास तालिमको सुरुवात

च्वाईस ह्युम्यानिटेरिएन नेपाल (CHOICE Humanitarian Nepal) को आयोजनामा चैत६ गते थाहा नगरपालिकाको पर्यटकीय स्थान दामनमा व्यवसायिक सीप बिकास तालिमको क्रमिक सुरुवात भएको छ।  
स्थानीय सरकारले समेत यहाँको पर्यटन व्यवसायीहरूको निम्ति आजको दिनसम्म कुनैपनि त्यस्तो कार्यक्रम संचालन गर्न नसकेको सन्दर्भमा  पर्यटकिय क्षेत्र दामनको पर्यटन बिकास एवं प्रवर्द्धन गर्नमा तालिम दिने पहिलो संस्था बनेको छ,च्वाईस नेपाल। 
व्यवसायिक सीप बिकास तालिमका संचालक,च्वाईस नेपालका प्रतिनिधिले कुनैपनी व्यवसाय संचालन गर्नका निमित्त आवस्यक पर्ने  आधारभुत विषयहरु: योजना,उत्पादन,लेखनकार्य,प्रवर्द्धन,मूल्य  र  प्रक्रियाको बारेमा उपस्थित स्थानीय पर्यटन व्यवसायीहरुलाई वृस्तित रुपमा व्याख्या गराएका थिए।

कार्यक्रमको प्रमुख अतिथि तथा तालिमको प्रस्तावक समेत रहेका थाहा नगरपालिका माओवादी केन्द्रका अध्यक्ष बिनोद कुमार लामाले स्थानीय पर्यटन बिकास एवं प्रचारप्रसारको लागि भनेरै दामनको फलामे भरेङ र सिमभन्ज्याङको हिमताल बनेको  बताउँदै स्थानीय पर्यटन बिकास अनि प्रवर्द्धनको निम्ति थाहा नगरपालिकासितको पहलमा  सक्दो सहयोग गर्ने प्रतिबद्धता व्यक्त गर्नुभयो। 

 व्यवसायिक सीप बिकास तालिमको सन्दर्भमा स्थानीय पर्यटन व्यवसायीहरु बीच आपसी  अन्तरक्रिया गरि  तालिम आउँदो चैत्र २१ गते गर्ने निर्णय पनि गरेको छ।