थाहा ८ का फरक क्षमता भएकालाई घुम्ती शिविरबाट अपाङ्गता परिचय पत्र वितरण

थाहा नगरपालिका महिला बालबालिका ,जेष्ठ नागरिक तथा अपांगतता परिचयपत्र वितरण शाखाको आयोजनामा फरक क्षमता भएका व्यक्तिहरूको पहिचान सहित अपाङ्गता परिचय पत्र वितरण घुम्ती शिविर कार्यक्रम आइतबारबाट थाहा ८ आग्रामा  गरिएको छ ।
वडा नं ८  स्थित आग्रा  स्वास्थ्य चौकीमा अपाङ्गता पत्र वितरण  गरिएको हो ।
घुम्ती शिविर बाट वडाका २४ जना अपांगतता भएकाले परिचयपत्र बनाएको अपांग परिचयपत्र वितरण शाखाकी शाखा प्रमुख प्रतिमा मोक्तानले जानकारी दिनुभयो।

अपाङ्गता भएका व्यक्तिलाई घरदैलोमै अपाङ्गता परिचय पत्र वितरण गर्ने उद्देश्यले वडास्तरीय घुम्ती शिविर सञ्चालन गरिएको नगर उपप्रमुख भरत गोपालीले बताउनुभयो।
वडा भित्रका अपाङ्गता भएका व्यक्तिहरूको उचित तरिकाले पहिचान गरी सरकारबाट पाउने सेवा सुविधा व्यवस्थापनमा कुनै कमी नहोस भनेर शिविरको आयोजना गरिएको  नगरपालिका प्रमुख प्रशासकीय अधिकृत अजित घिमिरेले बताउनुभयो ।

नगरपालिकाले निर्माण गरेका अपाङ्गता सम्बन्धी ऐन,बमोजिम पूर्ण अशक्त अपाङ्गता, अति अशक्त अपाङ्गता, मध्यम अपाङ्गता र साधारण अपाङ्गता गरी चार किसिमको परिचय पत्र वितरण गरेको  सामाजिक बिकास शाखाका प्रमुख अनिल लामिछानेले बताउनुभयो।
शिविरमा पालुङ स्वास्थ्य केन्द्रका प्रमुख  डाक्टर शक्ति चौरासिया र स्वास्थ्यकर्मी करुणा सापकोटाले  अपाङ्गहरूको स्वास्थ्य परीक्षण गरी अपाङ्गताको वर्गीकरणको सिफारिस गर्नु भएको थियो ।
शिविरमा थाहा,थाहा नगर उपप्रमुख भरत गोपाली, ८ का वडा अध्यक्ष हेमराज थिङ,थाहा नगरपालिका प्रमुख प्रशासकीय अधिकृत अजित घिमिरे,सामाजिक बिकास शाखा प्रमुख अनिल लामिछाने ,अपांग परिचयपत्र वितरण शाखा प्रमुख प्रतिमा मोक्तान,थाहा नगर सामाजिक विकास सदस्य पवित्रा सिंह ठकुरी,आइ एम एस शाखाका लक्ष्मण कडेल ,अपांग बाल अस्पतालका स्वास्थ्यकर्मी रुद्र सापकोटा ,अपांग सरोकार मंच थाहाका अध्यक्ष मनलाल गोपाली ,आग्रा स्वास्थ्य चौकीका स्वास्थ्यकर्मीहरुको समेत सहभागी रहेको थियो ।
घुम्ती शिविरमा अपांगतता भएकाहरुको स्वास्थ्य परिक्षण समेत गरियको थियो।