थाहा ४ किटेनीका युवा द्वारा ऋषेश्वर मन्दिर सरसफाइ

थाहा नगरपालिकामा अवस्थित प्रसिद्ध धार्मिक स्थल ऋषेश्वर मन्दिर र बाटो सरसफाइ गरियको छ।
थाहा नगरपालिका ४किटेनीका सक्रिय युवा क्लबका युवाहरुले चैत ११ सनिवार मन्दिर परिसर र मन्दिर जाने बाटो सरसफाइ गरेका हुन।
मन्दिर आउने भक्तजनहरु सहितको सहभागीतामा सरसफाइ गरियको क्लवका कृष्णजी स्याङ्तानले बताय।
मन्दिर दर्शन गर्न आउने भक्तजनहरुले फालेका पानीका बोतल,पुजा सामाग्री लाने पाल्स्टिक ,सिसि आदि टिपेर बोरामा हाली मन्दिर छिर्ने मोडमा लेरायर राखियको सरसफाइमा सहभागी भद्रध्वज गौतमले जानकारी दिए।
आज मन्दिर र सिढीं सफा गरियको र चैत ३० गते ऋषेश्वर मोड सफा गर्ने कार्यक्रम रहेको गौतमले बताए ।उनले अहिले जम्मा गरेर फोहोर राखियको ३० गते अर्को चरणको सरसफाइ गरेपछी नगरपालिकाको फोहोर बोक्ने गाडी लेरआएर फोहोर व्यवस्थापन सहित ठाउँठाउँमा डस्विन राखिने र जथाभावी फोहोर नफाल्न ठाउँ ठाउँमा सुचना बोर्ड राखिने बताए।
त्रिभुवन राजमार्ग बाट एक हजार मिटर पैदल हिडेर पुगिने जिल्लाकै प्रसिद्ध धार्मिक स्थल जाने बाटो र मन्दिर फोहोर भएपछि स्थानिय युवाहरुले चासो देखाएका हुन। 
दिनदिनै भक्तजन हरुको उल्लेख उपस्थिती हुने धार्मिक स्थल वरपर फोहोर व्यवस्थापन गर्न वडा र नगरले चासो दिनुपर्ने सरोकारवालाको भनाइ रहेको छ।तेस्को लागि नगरपालिकाले मन्दिर व्यवस्थापन समिती निर्माण गरेर जिम्मा दिनुपर्ने स्थानियको आवाज रहदै आएको छ।