Monday, 23 Nov, 2026
worldlink1-1789963258.gif

थाहा नगर

थाहा बसपार्क सञ्चालनमा — नगर प्रमुख विष्णु बिष्टबाट सेवाको औपचारिक शुभारम्भ

FB_IMG_1762326836879-1762326868.jpg

थाहा नगरपालिका–४ नार्खुढाँडस्थित थाहा बसपार्क आजदेखि औपचारिक रूपमा सञ्चालनमा आएको छ। लामो समयदेखि स्थायी बसपार्कको माग गर्दै आएका स्थानीय युवाहरूको निरन्तर दबाबपछि नगर प्रमुख विष्णु बिष्टले एक औपचारिक समारोहका बीच बसपार्कबाट सेवाको शुभारम्भ गरेका हुन्।
कार्यक्रमका प्रमुख अतिथीसमेत रहेका नगर प्रमुख बिष्टले बसपार्कको पूर्ण निर्माणमा ठेकेदारको ढिलासुस्ती भएको बताउँदै छिटोभन्दा छिटो बाँकी संरचना पूरा गर्न संघीय सरकारलाई घच्घच्याउने प्रतिवद्धता जनाए। उनले भने, “बसपार्क सञ्चालन कार्यविधिअनुसार नै व्यवस्था मिलाइनेछ, स्थानीय युवाहरूको माग र सहकार्यबाट यो निर्णय कार्यान्वयनमा आएको हो।”
नगर उपप्रमुख भरत गोपालीले बसपार्क सञ्चालन नगरकै गौरवको विषय भएको उल्लेख गर्दै यससँगै नयाँ चुनौतीहरू पनि थपिएको बताए। उनले यातायात व्यवसायीहरूसँग सहकार्य गर्दै आवश्यक पूर्वाधार विकासमा समुदायसँगै अघि बढ्ने प्रतिवद्धता जनाए।
थाहा बजार व्यवस्थापन समितिका अध्यक्ष राम बहादुर खत्रीको सभापतित्वमा सम्पन्न समारोहमा उपप्रमुख भरत गोपाली, वडा अध्यक्ष नारायण लामा, उद्योग वाणिज्य संघका अध्यक्ष पुरुषोत्तम ढकाल, प्रमुख राजनीतिक दलका नगर अध्यक्षहरू लगायत विभिन्न निकायका प्रतिनिधिहरूको उपस्थिति रहेको थियो।
कार्यक्रममा ऋषेश्वर महिला खैचडी भजन समूहले भजन प्रस्तुत गरेको थियो।
हाल बसपार्कमा बिजुली जडान, खानेपानी, शौचालय र यात्रु बस्ने कुर्सी लगायतका आधारभूत पूर्वाधारको व्यवस्था भइसकेको छ। कार्तिक १९ गतेदेखि यहाँबाट यात्री बाहक बस, सुमो र इभि सवारी साधनहरू सञ्चालनमा आएका छन्।
थाहा नगरपालिका कार्यपालिकाको बैठकले स्वीकृत गरेको “थाहा नगर बसपार्क सञ्चालन तथा व्यवस्थापन कार्यविधि, २०८०” अनुसार बसपार्क नगरपालिकाको मातहतमा रहनेछ। नगरप्रमुखको सिफारिसमा सात सदस्यीय समिति गठन गरिनेछ, जसमा एक सचिव, एक कोषाध्यक्ष, यातायात व्यवसायी, उद्योग वाणिज्य संघ प्रतिनिधि र उपभोक्ता प्रतिनिधि रहने व्यवस्था गरिएको छ।
लामो समयको प्रतिक्षापछि बसपार्क सञ्चालनमा आएकोमा स्थानीयवासीले खुशी व्यक्त गरेका छन् र यसले शिखरकोट बजार क्षेत्रको सवारी व्यवस्थापनमा सहजता ल्याउने अपेक्षा गरिएको छ।

 

बसपार्क निर्माणको योजना पहिलो पटक २०७४ सालमा निर्वाचित जनप्रतिनिधिहरूले अघि बढाएका थिए। त्यसअघि २०७१ सालमै थाहा नगरपालिकाले बसपार्क निर्माणका लागि आर्थिक वर्ष २०७१/०७२ मा ५० लाख रुपैयाँ विनियोजन गरी स्थानीय पूर्वाधार साझेदार कार्यक्रममार्फत कार्य थालनी गरेको थियो।
‎
‎थानाबजार नजिकै रहेको करिब ४८ रोपनी क्षेत्रफलमा निर्माणाधीन बसपार्कलाई नगरको गौरवको आयोजना मानिएको छ। करिब ३० लाख रुपैयाँको प्रारम्भिक लगानीबाट सुरु गरिएको यो आयोजना अहिले बहु–संरचना समेटिएको आधुनिक बसपार्कका रूपमा अगाडि बढाइने योजना छ।
‎मकवानपुरको थाहा नगरपालिका–४, नार्खुढाडमा २०७५ मंसिर ९ गते   औपचारिक रूपमा शिलान्यास गरिएको थियो। करिब सात करोड २१ लाख रुपैयाँ लागतमा बन्ने बसपार्कको पहिलो चरणमा टर्मिनल भवन, बगैँचा, रेष्टुरेन्ट, सफ्टिङ स्टल, अपाङ्गमैत्री शौचालय, सवारी चालकका लागि विश्राम कक्ष, ग्यारेज, प्रहरी बिट, सडक, सडक बत्ती लगायतका संरचना निर्माण हुने छ।
‎
‎सि एन्ड ब्रदर्स कन्स्ट्रक्सनले उक्त कामको ठेक्का पाएको थियो। नेपाल सरकारको सहरी विकास मन्त्रालयअन्तर्गतको सघन सहरी तथा भवन निर्माण आयोजना चितवनले ‘एकीकृत सहरी पूर्वाधार विकास आयोजना’ अन्तर्गत ७ करोड २१ लाखमा ठेक्का पाएर निर्माण गरिरहेको थियो तर हाल ठेकेदार बेपत्ता रहेको छ।
‎
‎२०९१ साल भदौ २० गते सम्पन्न गरिसक्ने गरी २०७९ चैत २९ गते सम्झौता गरिएको भए पनि सम्झौता अनुसारको भौतिक प्रगति अझै देखिएको छैन।

FB_IMG_1762326849195-1762326868.jpg
nagar-1792329114.jpg

world-link-1690434568.jpg
madhab-1792328837.jpg
rojgar-1773826495.png
thaha-nagar-bord-6x8-2-1780286450.jpg
ऋषेश्वरमा १९ फिटको त्रिशूल अर्पण, मेलामा ७६ हजार रुपैयाँ भेटी संकलन
FB_IMG_1795180205308-1795180238.jpg

थाहा । मकवानपुरको थाहा नगरपालिका–४, दामनस्थित प्रसिद्ध ऋषेश्वर महादेव मन्दिरमा हरिबोधिनी एकादशीको अवसरमा १९...

ऋषेश्वरमा ठूलो एकादशी मेलाको तयारी पूरा, माछामासु, मदिरा र जुवाजन्य खेलमा प्रतिबन्ध
FB_IMG_1795097044022-1795097058.jpg

कात्तिक शुक्ल एकादशी अर्थात हरिबोधनी एकादशीको अवसरमा प्रशिद्ध ऋषेश्वर स्थानमा लाग्ने मेलाको तयारी पूरा भएको छ...

थाहामा १५औँ राष्ट्रिय कर दिवस मनाइयो, कर शिक्षा र कर छुटबारे जानकारी
FB_IMG_1795096641026-1795096655.jpg

थाहा । ‘कर न्याय र सुशासन सुनिश्चितता : समृद्धिमा नागरिक सहभागिता’ भन्ने नारासहित १५औँ राष्ट्रिय कर दिवस २०८३...

किसिपिडीका १४ वर्षीया किशोरी हराइन्, खोजीका लागि परिवारको अपिल
FB_IMG_1795054167484_1-1795054213.jpg

काठमाडौं। काठमाडौंको चन्द्रागिरि नगरपालिका–किसिपिडीस्थित श्री जनकल्याण विद्यालय नजिकबाट १४ वर्षीया किशोरी...

थाहावासीलाई काठमाडौंका अस्पतालमा उपचार सहुलियत
AISelect_20261118_191003_-1795008614.jpg

मकवानपुरको थाहा नगरपालिकाबासीले काठमाडौंका विभिन्न अस्पतालमा उपचार गराउँदा विशेष सहुलियत पाउने भएका छन्।...

पालुङ प्राथमिक स्वास्थ्य केन्द्र अब ‘थाहा नगर अस्पताल’
FB_IMG_1794908167086-1794908302.jpg

थाहा । मकवानपुरको थाहा नगरपालिकास्थित पालुङ प्राथमिक स्वास्थ्य केन्द्र अब ‘थाहा नगर अस्पताल’का रूपमा...

भीमफेदीमा कुलमान घिसिङको पार्टीको संगठन विस्तार तीव्र, टसी लामाको अध्यक्षतामा टोल कमिटी गठन
FB_IMG_1794831085532-1794831222.jpg

भीमफेदी, कार्तिक ३० । कुलमान घिसिङ नेतृत्वको 'उज्यालो नेपाल पार्टी' ले मकवानपुरको भीमफेदी गाउँपालिकामा आफ्नो...

न्हुलगाउँ टोल विकास संस्था बन्यो टी–२० कपको विजेता
InShot_20261114_203729620-1794704031.jpg

थाहा । थाहा नगरपालिका–१० स्थित बिशिङ्खेलको चम्पाकेश्वर खेल मैदानमा जारी न्हुलगाउँ टी–२० क्रिकेट...

थाहा–१० बिसिङ्खेलमा दुई मोटरसाइकल ठोक्किँदा चार जना घाइते
InShot_20261114_201206317-1794666583.jpg

थाहा । मकवानपुरको थाहा नगरपालिका–१० बिसिङ्खेलस्थित गणेशमान सिंह सडकखण्डमा दुई मोटरसाइकल एकआपसमा ठोक्किँदा...

shambhu-bhina-1792328742.jpg
dipak-karki-1792328765.jpg
rajan-dhakal-1792328785.jpg
dipak2-1792328806.jpg
rupesh-1792328822.jpg
ishor-1792328855.jpg
hirendra-1792328872.jpg
shikhar-1792328926.jpg
11-11-1792328949.jpg
9-1792329666.jpg
7-1792329686.jpg