थाहा नगर स्तरीय शिक्षक भलिबलको उपाधी सुन्दरीदेवी लाई

मकवानपुर जिल्लास्थित थाहा नगरपालिका को आर्थिक सहयोगमा सुन्दरी देवी मा.वि.को आयोजनामा थाहा नगरपालिका स्तरिय शिक्षक भलिबल प्रतियोगिता थाहा नगरको वडा न ७ डाडाबासमा रहेको सुन्दरीदेवी माबिमा प्रतियोगिता सोमबार सम्पन्न भएको हो। प्रतियोगितामा थाहा नगरपालिकाका १२ वटा विद्यालय सहभागी भएकोमा आयोजक सुन्दरीदेवी मा.वि. प्रथम, स्वच्छन्द भैरव मा.वि.चित्लाङ द्वितीय,सरस्वती विद्या मन्दिर बज्रवाराही तृतीय र जनकल्याण माबी सान्त्वना  भएका छ्न्। प्रथम हुनेलाई तीस हजार नगद सहित शिल्ड मेडल  प्रमाणपत्र , द्वितीय हुनेलाई बीस हजार नगदसहित प्रमाणपत्र, तृतीय हुनेलाई दस हजार नगदसहित प्रमाणपत्र तथा सान्त्वना हुनेलाइ नगद पाँच हजार वितरण गरियको थियो।  साथै, खेलमा प्रथम स्थान हात पार्न सफल भएको सुन्दरीदेवीका शिक्षक प्रकाश बहादुर चन्द उत्कृष्ट खेलाडी घोषित हुनुभयो भने स्वच्छन्द भैरवका पिताम्बर घिमिरे उत्कृष्ट स्पाइकर र उत्कृष्ट सेटर सुन्दरीदेवीकै प्रताप सिंह गोले हुनुभयो। सुन्दरीदेवी माबी विद्यालय व्यवस्थापन समितिका अध्यक्ष बिनायक गोलेको अध्यक्षतामा सम्पन्न समापन समारोह थाहा नगरपालिकाका प्रमुख बिष्णु बिष्टको प्रमुख आतिथ्यता तथा उपप्रमुख भरत गोपालीको बिशिस्ट आतिथ्यता रहेको थियो।