थाहा नगर भलिबल खेलको उर्वर भुमी :- नगर प्रमुख बिष्ट(उद्घाटन सत्रका फोटो सहित)

 थाहा नगरपालिका मकवानपुर जिल्लाकै भलिबल खेलको लागि उर्वर भुमी रहेको थाहा नगरपालिकाका प्रमुख बिष्णु बिष्टले बताउनुभयको छ।आज बाट थाहा नगरपालिकाको फाटबजार मा आयोजित पाचौं संस्करणको विनयबाबु स्मृति जिल्ला स्तरीय रनिङ शिल्ड भलिबल प्रतियोगिताको उद्घाटन समारोहलाइ सम्बोधन गर्दै नगर प्रमुख बिष्टले सो कुरा बतायका हुन ।प्रमुख अतिथिको रुपमा आफ्नो शुभकामना मन्तव्य राख्दै बिष्टले थाहा नगर खेलाडी उत्पादन गर्ने थलोको रुपमा पनि रहेकोले यहाँ बाट जिल्ला स्तरीय मात्र नभै अब प्रदेश र राष्ट्रिय स्तरको खेलाडी उत्पादन गर्न यस्ता प्रतियोगिताको खाचो रहेको बताए साथै वहाँले खेलाडी उत्पादन र प्रतियोगिता संचालन गर्नको लागि आर्थिक व्यवस्थापनले समस्या पारेपनी खेल र खेलाडीको विकासको निम्ति थाहा नगरपालिकाले एकद्वार प्रणाली मार्फत खेलकुद बिकास समिती नै बनायर नगरको खेलविकासमा लाग्न आफुले तयारी गरेको बताउदै प्रतियोगिताको सफलताको शुभकामना दियका थिय। विनय बाबू स्मृति प्रतिस्ठानका अध्यक्ष शंकर कार्कीको सभापतित्वमा सम्पन्न उद्घाटन समारोहमा थाहा नगर वडा न २ का अध्यक्ष बम बहादुर सिङ्तान,वडा सदस्यहरु,युवराज बिष्ट ,रितु कार्की ,श्रीजना बि क ,प्रतिस्ठानका संस्थापक बिजयबाबु बस्नेत,विनय बाबुका पिता बिष्णु बहादुर बस्नेत,समाजसेवी श्यामभक्त श्रेष्ठ ,जिल्ला रेडक्रसका कोषाध्यक्ष हरीकृष्ण कार्की ,नेकपा एसका नगर उपाध्यक्ष सुर्य तामाङ,नगर भलिबल संघका अध्यक्ष वसन्त गोपाली ,समाजसेवी हरु गोबिन्द कार्की ,उद्दव राना मगर ,रामशरण थापा निर्णायक हरु विजय कृष्ण वादे,मनोज लामा ,श्रीहरी कार्की ,सहभागी क्लवका प्रमुख हरु,खेलाडी तथा खेलप्रेमी दर्शकहरुको उपस्थिति रहेको थियो। 

प्रतियोगितामा १६ वटा टीमले सहभागिता जनाएको विनयबाबु बस्नेत स्मृति प्रतिष्ठानका अध्यक्ष शंकर कार्कीले जानकारी दिए । कार्तिक ८ गते प्रतियोगिता समापन हुनेछ । प्रतियोगितामा प्रथम हुनेलाई नगद ५१ हजार ५१ रुपैयाँ, द्वितीयलाई २६ हजार २६ रुपैयाँसहित शिल्ड, मेडल र प्रमाणपत्र प्रदान गरिने छ । प्रतियोगितामा उत्कृष्ट पाँच विधा अन्तर्गत उत्कृष्ट खेलाडी, उत्कृष्ट प्रशिक्षक, उत्कृष्ट डिफेन्डर, उत्कृष्ट स्पाइकर र उत्कृष्ट ब्लकरलाई नगदसहित मेडल प्रदान गरिने छ ।

प्रतियोगिताको हरेक खेलमा म्यान अफ द म्याच प्रदान गरिने छ । प्रतियोगितामा करिव १५ वटा टीमले सहभागिता जनाउने छन्। पाँचौ पटक आयोजना हुन लागेको जिल्ला स्तरीय भलिबल प्रतियोगिताको अनुमानित खर्च ३ लाख ५० हजार रुपैयाँ रहेको उनले जानकारी दिए ।