थाहामा व्यक्तिगत घटना दर्ता र सुरक्षा भत्ता भिपिएन प्रणाली मार्फत हुने ।

सरकारले फागुन ६ गतेदेखि व्यक्तीगत घटना दर्ता तथा सामाजिक सुरक्षा भत्ताको कार्य  भि.पि.एन.प्रणाली मार्फत  गर्ने भएको छ । देशभरका स्थानीय तहलाई पत्राचार गरी राष्ट्रिय परिचयपत्र तथा पञ्जिकरण विभागले फागुन ६ गतेदेखी अनिवार्य रुपमा यो प्रणाली मार्फत कार्य सञ्चालन गर्न निर्देशन दिएको हो ।
स्थानीय तह मार्फत हुने व्यक्तीगत घटना दर्ता, जन्म,मृत्यु,विवाह,सम्वन्ध बिच्छेद तथा बसाईसराई र सामाजिक सुरक्षा भत्ताको कामलाई गोपनियता कायम गर्न यस्तो प्रणाली जडान गर्न लागिएको हो ।

सूचनाको उच्चतम सुरक्षा तथा गोपनियता,सूचनाको सही मूल्याङ्कन तथा सही भण्डारण र प्रयोगकर्ताको सही पहिचान तथा प्रमाणिकरणका लागि यस्तो प्रणाली जडान गर्न थालिएको थाहा नगरपालिकाका एम.एस.आई.शाखा प्रमुख रुपक कार्कीले जानकारी दिए ।

कार्कीका अनुसार डिजिटाइजेशन भनेको 
नेपालमा विधिवत रुपमा बि.सं. २०३४ बैशाख १ देखी ब्यक्तिगत घटना दर्ता प्रारम्भ भएपश्चात गरिएका सम्पूर्ण घटना दर्ता  किताब (ढड्डा) लाई राष्ट्रिय परिचयपत्र तथा पञ्जीकरण विभागको अनलाइन सिस्टममा  प्रविष्टि गर्ने कार्य नै डिजिटाइजेशन भएको बताए।
यसैविच थाहा नगरपालिकाले पनि मातहतका कर्मचारीलाई भिपिएन मार्फत कार्य सञ्चालनका लागि तालिम दिएको छ । १२ वटै वडामा सामाजिक सुरक्षा तथा पञ्जिकरणको काम गर्ने वडा सचिब लाई  फागुन ३ गते तालिम दिइएको हो । सामाजिक सुरक्षा तथा पञ्जिकरण शाखाको आयोजनामा भएको तालिममा भिपिएन मार्फत काम गर्दा अपनाउनु्पर्ने प्रक्रिया तथा जडानका विषयमा जानकारी दिइएको थियो ।

तालिमका  अवसरमा बोल्दै नगरपालिकाका प्रमुख प्रशासकीय अधिकृत अजित घिमिरेले व्यक्तीगत घटना दर्ता तथा सामाजिक सुरक्षाको काम जनतासंग प्रत्येक्ष जोडिएको संवेदनशिल विषय भएकाले जिम्मेवार भएर काम गर्न निर्देशन दिए । नगरको काममा गुणस्तरियता ल्याउन कर्मचारीको महत्वपूर्ण भुमिका हुने भएकाले सरल,सहज र नियमसंगत तरिकाले काम गर्नुपर्ने उनको भनाई थियो ।  तालिममा सामाजिक शाखाका प्रमुख अनिल लामिछाने  ,एम.एस.आई. अपरेटर लक्ष्मण कडेल,एमआइएस शाखाका अच्युत बिडारी,थाहा नगरपालिकाका सूचना अधिकारी सुरजकुमार भुजेल प्रशासन शाखा प्रमुख उमेश श्रेष्ठले सहजीकरण गरेका थिए ।