थाहामा मनाइयो १७ औं बिश्व रेविज दिवस,

"एक स्वास्थ्य,एक गन्तव्य"भन्ने नाराका साथ १७ औ विश्व रेविज दिवस थाहा नगरपालिकामा पनि विविध कार्यक्रम गरि मनाइयको छ।
थाहा नगरपालिका पशु शाखाको आयोजनामा ११ असोजमा दिवस मनाइएको हो।
थाहाका विभिन्न क्षेत्रमा रहेका सामुदायिक कुकुरहरुलाई रेविज विरुद्धको भ्याक्सिन लगाइएको पशु शाखाका मनिसा कटुवालनी मगरले जानकारी दिइन।
पशु प्राविधिक बिज्ञान भट्टराईका अनुसार थाहा नगरपालिकाको वार्षिक स्वीकृत कार्यक्रम अनुसार वडा न १ मा ३० वटा,वडा न ३ मा १३ वटा,४ मा ६ वटा र ११ न वडामा ३० वटा कुकुर सहित २ वटा बिरालोलाइ पनि खोप लगाइएको जानकारी दिए।
तेसैगरी थाहा नगरपालिकाको डाँडाबास,गैरीगाउँ ,दामगाडे क्षेत्रका ४४ वटा कुकुरहरू  लाई रेविज विरुद्धको खोप लगाइएको पशु प्राविधिक रुपेश कुमार मिश्रले बताए।
बिश्व रेविज विरुद्धको खोप अभियानमा पशु प्राविधिक हरु मनिषा मगर,रुपेश कुमार मिश्र,विकेश कार्की ,बिज्ञान भट्टराई ,नुतन मिश्र ,प्रकाश पाख्रीन,श्रीराम गर्तौला,प्रशिक्षार्थी पशु प्राविधिक कृष्ण काजी प्रधान ,अस्मिता परियार,लगायतका टोलि खटिएको थियो।
विहिबार विश्व रेबिज दिवसको अवसरमा थाहा नगरपालिकाका उपप्रमुख भरत गोपालीको प्रमुख आतिथ्यतामा औपचारीक कार्यक्रमको आयोजना गदै विश्व रेबिज दिवसको शुभारम्भ गरेका थिए ।
कार्यक्रममा थाहा नगरपालिकाका प्रमुख प्रशासकीय अधिकृत कृष्ण गिरी,वडा न १ का वडा अध्यक्ष हेरमान गोपाली,वडा न ३ का अध्यक्ष हिरेन्द्रकुमार रायमाझी ,कृषि तथा पशु विकास शाखाका कृषि स्नातक विकास सुनार,लेखापाल सन्देश घिमिरे,प्रेस संयोजक शम्भु अधिकारी लगायतका सहभागिता रहेको थियो।