थाहामा भएको राष्ट्रिय परिचयपत्र शिविरमा ८ सय ९१ जनाले फारम भरे

सरकारले २८ जिल्लामा सामाजिक सुरक्षा भत्ता नवीकरणका लागि राष्ट्रिय परिचयपत्रको नम्बर अनिवार्य गरेसँगै हालसम्म राष्ट्रिय परिचयपत्र बनाउन आवेदन नदिएका ज्येष्ठ नागरिकहरू तथा अन्य लाभग्राहीहरुको निम्ति असार १० देखि १८ गते सम्म थाहा नगरपालिकामा भएको शिविरमा ८ सय ९१ जना लाभग्राहीहरुले राष्ट्रिय परिचयपत्र शिविरमा आवेदन दिएका छन।
जिल्ला प्रशासन कार्यालय, हेटौडाबाट राष्ट्रिय परिचयपत्र शिविर सञ्चालनका लागि टोली पठाई थाहा नगरपालिकाको १२ वटै वडाको पायक पर्ने स्थानमा शिविर सञ्चालन गर्दा थाहा नगरभरिका ८ सय ९१ जना सामाजिक सुरक्षा भत्ता प्राप्त गर्ने लाभग्राहीहरुले सेवा लिएको पञ्जिकरण शाखा थाहाका शाखा प्रमुख रुपक कार्कीले जानकारी दिए।
थाहा नगरपालिकाबाट सामाजिक सुरक्षा तथा पञ्जीकरण शाखा र नगरप्रहरीले सहजिकरण गरेको शिविरमा सामाजिक सुरक्षा भत्ता प्राप्त गर्ने लाभग्राहीहरुलाई राष्ट्रिय परिचयपत्र अनिवार्य गरेपछी   वृद्ध–वृद्धाहरुको घुइँचो लागेको थियो ।
थाहा नगरपालिकाको चित्लाङ,बज्रवाराही,नौखण्डे,डाडाबास र थानाबजारमा शिविर संचालन गरिएको थियो।
९० वर्ष माथी, अशक्त, असाहय र अपाङगता भएका व्यक्तिहरुलाई सामाजिक सुरक्षा भत्ता प्राप्त गर्न राष्ट्रिय परिचयपत्र अनिवार्य नभएको थाहा नगर पञ्जिकरण शाखाले जनाएको छ।
 आर्थिक बर्ष  २०८१/०८२ को लागि सामाजिक सुरक्षा भत्ता प्राप्त गर्न अनिवार्य राष्ट्रिय परिचयपत्र आवश्यक पर्दछ।
अब आउने  साउन ०१ गते देखि भाद्र मसान्त सम्ममा नविकरण नगरेमा भत्ता निकाशा रोकिने हुँदा भत्ता नविकरण गर्नको लागि आफ्नो वडामा निवेदन दिई आफू स्वयम उपस्थित भई राष्ट्रिय परिचयपत्र सहित नविकरण गर्दा आफ्नो हातको औँलालाई नविकरण मेसिनमा राखेपछी मात्र नविकरण हुने पञ्जिकरण शाखाका रुपक कार्कीले जानकारी दिए।थाहा नगरपालिकामा ४ हजार ४ सय ३६ जना सामाजिक सुरक्षा भत्ता प्राप्त गर्ने लाभान्वित भएको नगर संग तथ्यांक छ।