थाहामा ब्याबसायिक रुपमा लोकल कुखुरा र टर्किको पालन 

— शम्भु अधिकारी
०७ असोज २०७५
     थाहा नगरपालिका कृषि र पर्यटनको हब बनाउने विभिन्न योजनाहरु नगरपालिकाले अघि सारि रहेको अबस्थामा एक युवाले प्रयोगात्मक रुपमै आफ्नै लगानिमा नगरलाई कृषि र पर्यटन सँगै लाने योजनामा होमस्टे सङै टर्कि र लोकल कुखुराको ब्याबसायिक रुपमा पालन गर्न थालेका छ्न ।
     थाहा नगरपालिका २ फाँटबजारका स्थानीय युवा माधब कार्कीले डाँडाघरे बाको होमस्टे सँचालनको साथै टर्कि, लोकल कुखुरा, हाँसपाल्न थालेका हुन् । करिब एक रोपनी जग्गामा खुल्ला रुपमा टर्कि र कुखुरा,सहित हास, गिरिराज जातका लोटन पाल्न थालेका हुन् ।
एकजनालाई प्रत्यक्ष रोजगारी दिई आफू पनि स्वरोजगार बन्दै कार्कीले सुरुमा ७५ वटा टर्कि सहित लोप हुन थालिसकेको लोकल कुखुरा, काभ्रे, रामेछापको ग्रामीण भेगबाट ल्याइ पालन गरिरहेका छ्न ।

     तीन लाख रुपैयाँको लगानीमा ब्याबसाय थालेका कार्कीले बजारको माग धेरैनै भइरहेको बताउनु भयो । अहिले होम स्टेमा आउने पाहुनाको लागि मात्र पुगिरहेकोले बाहिरको माग पुरा गर्नका लागि अब लगानी र ब्याबसाय दुबै बढाउदै लैजाने बताउनु भयो ।
स्वास्थको लागि उपयुक्त मानियको टर्किकोे मासुमा बोसो नहुने भएकाले विभिन्न किसिमको रोगिलाइ पनि उपयुुक्त हुने भएकाले माग राम्रो रहेको बताउनु भयो ।
      काठमाडौ, हेटौंडा, चितवनमा टर्किको माग बढिरहेको र धेरै माग अङ्ग्रेजी नयाँ बर्ष र कृसमसको बेलामा हुने कार्कीले बताउनु भयो । आगामि दिनमा टर्किको चल्ला उत्पादन गरि ब्यबसायलाई बृहद बनाउने प्रयास भैरहेको बताउनु भयो ।
मुक्तिनाथ हरियाली कृषि सहकारी सस्थाका अध्यक्ष समेत रहेका कार्कीले कृषि सहकारी मार्फत यस ब्यबसायलाई अगाडि लैजाने सोच रहेको बताउँछन् । टर्किलाई ७० प्रतिसत घाँस र ३० प्रतिसत दाना आवस्यक हुने र  लोकल कुखुरालाई दाना आवस्यक नहुने बताउनु भयो ।
ब्याबसायीक रुपमा माग धान्न नसकिने भएकोले सहकारी मार्फत यस्लाइ थाहा नगर भरी कृषि र पर्यटनको हबको रुपमा बिकास गरि लैजाने योजना रहेको र यसको लागि नगरपालिका सँग समन्वय गरि अगाडी बढ्ने कार्की बताउँछन् ।