रास्वपा थाहा नगरको प्रथम अधिवेशन सम्पन्न,सभापतिमा जयराम केसी

राष्ट्रिय स्वतन्त्र पार्टी को प्रथम थाहा नगर अधिवेशन सम्पन्न भएको छ । अधिवेशनले जयराम केसीको सभापतित्वमा नयाँ नगर कार्यसमिति चयन गरेको हो ।
थाहा नगरपालिका–४ स्थित फ्यामली ब्याङ्कुइट मा सम्पन्न अधिवेशन नगर अध्यक्ष जयराम केसीको अध्यक्षता तथा डाक्टर अच्युत लामिछाने को प्रमुख आतिथ्यतामा सम्पन्न भएको थियो ।
कार्यक्रममा सांसद हरु खगेन्द्र सुनार, आशिष गजुरेल, प्रशान्त उप्रेती, प्रकाश गौतम, धनेन्द्र कार्की तथा रमेश कार्की को विशिष्ट आतिथ्यता रहेको थियो ।
त्यसैगरी कार्यक्रममा केन्द्रिय र्याट संयोजक बैकुण्ठ थापा,प्रदेश सदस्य बिनयराज कार्की, सुनिता राई,मकवानपुर जिल्ला सन्जिब पाठक, सहसचिव शान्ती थापा लगायतको उपस्थिति रहेको थियो ।
अधिवेशनबाट चयन भएको नयाँ कार्यसमितिमा सभापतिमा जयराम केसी, उपसभापतिमा साकार कार्की, सचिवमा रामशरण गोपाली,कोषाध्यक्षमा मुना स्याङ्तान तथा सहसचिवमा राजन बिडारी चयन भएका छन् । सदस्यहरूमा सुक्रराज गोपाली, बुनुमाया थिङ, सानुमैया अधिकारी, विजयकुमार थिङ, माईला गुरुङ, सुवास केसी तथा कपिल थापा चयन भएका छन् । त्यस्तै सल्लाहकारमा दिपक नेपाली र बिकेशबाबु बस्नेत चयन हुँदा RAT संयोजकमा सुमन बिष्ट चयन भएका छन् ।
अधिवेशनमा वक्ताहरूले थाहा नगरमा वैकल्पिक राजनीतिक शक्तिका रूपमा रास्वपाको संगठन विस्तार, सुशासन, पारदर्शिता तथा जनउत्तरदायी राजनीतिक अभियानलाई थप प्रभावकारी रूपमा अगाडि बढाउन शुभकामना व्यक्त गरेका थिए ।