थाहामा बाख्रालाई पिपिआर रोग विरुद्धको खोप लगाइदै

फाइल फोटो

मकवानपुरमा बाख्रालाई पिपिआर रोग विरुद्धको खोप लगाइदै छ । जिल्लाका दशवटै स्थानीय तहसंगको सहकार्यमा  बाख्राहरुलाई पिपिआरविरुद्धको खोप लगाइन लागिएको हो । फागुन १६ गते बाट २२ गते सम्म खोप अभियान सञ्चालन भएको भेटेरीनरी अस्पताल तथा पशु सेवा विज्ञ केन्द्र मकवानपुर का वरिष्ठ पशु चिकित्सक बज्र किशोर यादवले  बताए ।

प्रत्येक पालिकाको पशु शाखा तथा खोपकर्ताहरु परिचाल गरेर अभियानको रुपमा पिपिआर विरुद्धको खोप दिइन लगिएको उनले बताए । पिपिआर रोग लागेमा त्यसको औषधि नहुने र त्यो रोगबाट बचाउने एकमात्र उपाय खोप भएकाले पिपिआर विरुद्धको खोप अभियान सञ्चालन गर्न लागिएको हो ।

पिपिआर रोगबाट बचाउनका लागि थाहाका  किसानहरुले पालेका बाख्रालाई निःशुल्क खोप लगाइन लागिएको थाहा नगर पशु शाखा प्रमुख डाक्टर निकाश ब्लोनले जानकारी दिए । थाहा नगरमा १७ हजार डोज खोप प्राप्त भएको बताइएको छ । खोपका लागि सबै वडामा अहिले खोपकर्ताहरु परिचालन गरिएका छन् । उनिहरुले गाउँगाउँमा गएर खोप लगाउने छन ।

बाख्रामा पिपिआर रोग लागेमा पखाला लाग्ने, र्याल सिगान बगाउने, उच्च ज्वरो आउनेलगायत लक्षण देखा पर्ने र अन्त्यमा बाख्रा मर्ने थाहा नगरपालिकाका पशु प्राविधिक रुपेश कुमार मिश्र बताउछन। बाख्राहरुलाई पिपिआर विरुद्धको खोप लगाउन पनि सबै किसानलाई आग्रह गरिएको छ । हेर्नुस सूचना