थाहामा जडिबुटी खेतीको सम्भावना सम्बन्धि परामर्श ।

जिल्ला वनस्पति अनुसन्धान केन्द्र मकवानपुरको आयोजना  र सामुदायिक वन उपभोक्ता स्थानीय महासंघ थाहा नगरपालिका (फेकोफन) को समन्वयमा थाहा नगरका मेयर  बिष्णु बिष्टको  प्रमुख आतिथ्यमा थाहा-३ स्थित बिकास घरमा एकदिने  प्राबिधिक सरसल्लाह तथा परामर्श कार्यक्रम सम्पन्न भएको छ। जिल्ला वनस्पति अनुसन्धान केन्द्र मकवानपुरका प्रमुख रघुराम पराजुलीले कार्यक्रमको  बिस्तृत प्रस्तुति  गराउदै  थाहा नगरपालिकामा जडिबुटी खेतीको सम्भाव्यता र व्यापारिकरणको बारेमा सहभागीहरुलाई जानकारी गराउदै थाहा नगरमा जडिबुटी प्रबर्द्धनमा रहेका समस्या र समाधानको उपाय बताउदै जडिबुटी सम्बन्धि अनुसन्धान ,खेती प्रबिधि ,बिकास र बिस्तार सम्बन्धि आफ्नो कार्यपत्र पेश गरेका थिय। नेपालमा भएका ११ वटा वनस्पति उद्यान मध्य मकवानपुर जिल्लामा मात्रै ३ वटा र त्यस मध्य पनि थाहा नगरमा २ वटा वनस्पति उद्यान रहेको उहाँले बताउदै जडिबुटी सम्बन्धि सिप बिकास ,तालिम जनचेतना स्थानिय सरकारले नै गर्नुपर्ने बताउनुभयो। साथै सेरेमोनियल वृक्षरोपण गर्ने कार्यको थालनी पनि उहाँकै कार्यकालमा सुरु भएको र चाडै नै दामन र टिस्टुङ्ग वनस्पति उद्यानमा समेत सो कार्यक्रमको थालनी गर्ने बताउनुभयो ।
 मकवानपुरमा पहिलो पटक दुर्लभ जडिबुटी भोटेलहराको खोज गरि यसको बिउ उत्पादन गर्नमा उहाँ सफल हुनुभएको छ र उहाँकै बैज्ञानिक टिमले उन्युको बिबिध बिकास को अनुसन्धान गर्ने कार्यमा समेत सफलता पाएको छ।
कार्यक्रममा आफ्नो धारणा राख्दै फेकोफेन थाहा नगरका उपाध्यक्ष गणेशमान श्रेष्ठले स्थानिय सरकारले तत्काल गर्नुपर्ने स्थानिय वन एन निर्माण ,वन तथा वातावरण संरक्षण,रिजार्जेवल पोखरी निर्माण ,कुलेखानी जलविद्युत बाट हुने आम्दानी बन तथा बाताबरणमा लगानी ,महासंघको कार्यालय संचालन ,नगरपालिकाको भुउपयोग निति तत्काल लागुहुनुपर्ने लगायतका सुझाव दियका थिय।
कार्यक्रममा आफ्नो मन्तव्य राख्दै प्रमुख अतिथी नगर प्रमुख बिष्टले बनस्पति कार्यालय र वन लाई बहुउपयोगी बिरुवा बृक्षारोपण गर्दै उत्पादन सङ्ग जोड्ने कार्यक्रम ल्याय थाहा नगरले सहयोग गर्ने बताउदै बेरोजगारी समस्या र बाझो जमिनको समस्या को हल गर्नकै लागि जडिबुटी खेती उपयुक्त हुने धारणा राख्दै युवाहरु लाई खेती तर्फ आकर्षण गर्ने खालको कार्यक्रम ल्याउन आग्रह गर्नुभयो।
कार्यक्रममा नगर उपप्रमुख भरत गोपाली,फेकोफनका नगर अध्यक्ष शिवराम थापा,वडा नं.३ का हिरेन्द्र रायमाझी र ४ का नारायण लामा, ,ईलाका वन कार्यालय पालुङका वन अधिकृत कृष्ण आचार्य,प्रेस सेन्टर थाहाका अध्यक्ष शम्भु अधिकारी,दामन तथा सिमभन्ज्याङ बजार व्यवस्थापन समितिका अध्यक्ष लगायत सरोकारवालाहरुको उपस्थिति रहेको थियो।